Rashkovski: Nuk jap dorëheqje, do të padis gazetarë, parti dhe portale për shpifje

Sekretari i përgjithshëm i Qeverisë së Maqedonisë së Veriut Dragi Rashkovski, sot në konferencë për shtyp tha se nuk planifikon të jep dorëheqje nga funksioni, pas rastit me M-NAV, për të cilin u publikuan biseda të përgjuara, në të cilat dëgjohej zëri i tij dhe i dy funksionarëve tjerë shtetërorë, për kurdisje të mundshme të tenderëve me kompani italiane.

“Ky është versioni i përgjimeve. Kur të arrijë aktgjykimi zyrtar nga organet gjyqësore, në procedurë penale atëherë do të ulemi dhe sërish do të bisedojmë”, tha Rashkovski, duke u përgjigjur në pyetjet e gazetarëve nëse mendon të jep dorëheqje, përcjell Telegrafi Maqedoni.

Duke dhënë detaje për rastin me blerjen e sistemeve ATM për kontrollimin e fluturimeve të avionëve, të financuar nga Banka Evropiane për Rindërtim dhe Zhvillim, Rashkovski tha se marrëveshja për zgjedhjen e kompanisë italiane është bërë që në vitin 2017 nga ana e Zhivko Popovskit, babai i ish-ministrit të Punëve të Jashtme, Nikolla Popovski.

Lexo po ashtu Sekretari Rashkovski i përfshirë në kurdisje tenderi?

Rashkovski informoi se është shkarkuar drejtori i teknikës në M-NAV Kliment Çepunjovski, për shkak të lëshimeve në punë dhe rrezikun që ka shkaktuar në qiellin e Maqedonisë.

Ai tha se do të dorëzojë padi penale ndaj Çepunjovskit, Ivanva Vasilevskës nga OBRM-PDUKM-së, Goran Momirovskit, Ljupço Zllatevit, Ljupço Pallevskit, Milenko Nedellkovskit, Irena Radovanoviqit, Valon Belës, si dhe partisë Lëvizja Besa.

Rashkovski tha se gjithashtu do të dorëzojë padi penale ndaj portaleve “Kurir”, “Ekspres”, “Infomaks” dhe “Lider”./Telegrafi/

Lexo po ashtu OBRM-PDUKM akuzon Rashkovskin për kurdisje të një tenderi me vlerë prej shtatë milionë eurove