Përfaqësuesja e Kosovës ka mësuar emrat e kundërshtarëve për kualifikimet e Kampionatit Evropian ‘Euro 2024’.
Në Frankfurt të Gjermanisë është hedhur shorti, derisa Kosova ndodhet në Grupin I, grup që është me gjashtë skuadra.
Dardanët do të kenë punë me Zvicrën, Izraelin, Rumaninë, Bjellorusinë dhe Andorrën për një vend në evropianin e vitit 2024.
Telegrafi ka kontaktuar njërin nga futbollistët më të mirë të Dardanëve, Elbasan Rashanin i cili ka folur për shortin.
Sulmuesi i skuadrës elitare franceze Clermont ka thënë se është një grup interesant, ku mund edhe të tentojnë mrekullinë.
“Ditën e diel kisha ndeshje nga ora 15:00, derisa e kam përcjellë shortin me shumë vëmendje dhe emocione nga stadiumi”.
“Kam dashur të jemi në një grup me gjashtë skuadra dhe ishim me fat për këtë pjesë, por sa i përket kundërshtarëve është një grup shumë interesant”, tha Rashani për Telegrafin.
29-vjeçari thotë se Zvicra është favoriti kryesor për ta fituar grupin, derisa për vendin e dytë mbetet lufta e hapur.
“Zvicra është kundërshtari më i vështirë dhe njëherit favoriti kryesor për atë pozitën e parë. Gjithsesi ne duhet të luftojmë si ndaj Zvicrës ashtu edhe ndaj të gjithë kundërshtarëve shumë për të marrë më të mirën”.
“Na presin 10 ndeshje para vetës ku duhet të japim maksimumin. Është short interesant dhe i mirë për ne duke marrë parasysh se kemi shmangur kundërshtarë shumë më të fortë”.
“Izraeli dhe Rumania janë më lartë se ne në vazo, por ne nuk jemi inferiorë ndaj tyre. Duhet të futemi në fushë dhe të luftojmë për të arritur rezultatet që duam”, tha Rashani.
Sa i përket kualifikimit të mundshëm në Euro 2024, Rashani thotë se nuk është i pamundur.
“Asgjë nuk është e pamundur. Natyrisht që dëshira e gjithë futbollistëve është të shkojnë në evropian dhe për ta bërë ëndrrën realitet na duhet të luftojmë shumë dhe mund të bëjmë mrekulli duke zënë vendin e dytë”.
“Ne nuk i frikësohemi asnjë kundërshtari, do t’i respektojmë të gjithë, por normalisht do të synojmë vendin e dytë për të shkuar në Kampionatin Evropian”, u shpreh Rashani.
Ish-anëtari i Brondby, Rosenborg, Odd e Erzurum ka thënë se përballjet me Zvicrën do të jenë ato më specialet, duke marrë parasysh edhe lidhjen që kanë dy vendet dhe numrin e madh të shqiptarëve që jetojnë në shtetin helvetik.
“Dy ndeshjet speciale sigurisht që do të jenë ato me Zvicrën. Ne do t’i zhvillojmë dyja ndeshjet me tifozët tanë, këtë po e them pasi edhe në ndeshjen në Zvicër sigurisht që 80 për qind e tifozëve do të jenë në përkrahjen tonë dhe mendoj se kjo është një përparësi e jona. Gjithsesi po e them përsëri se rolin kryesor në fund do ta kemi ne futbollistët dhe fatin tonë do ta vendosim vet ne. Uroj që të bëjmë atë ëndrrën e madhe realitet dhe të shkojmë në Evropian”, deklaroi Rashani.
Rashani është ndër lojtarët më të vjetër që luan për Përfaqësuesen e Kosovës, pasi vushtrriasi ishte bashkuar me Dardanët që nga viti 2015.
Ai gjithmonë ka qenë një lojtar që është përdorur si ‘xhoker’ pasi momentin që u futke në lojë gjithmonë ka asistuar ose shënuar duke lënë përshtypje shumë të mira.
Gjithsesi vitin e fundit Rashani ka bërë një ngritje të jashtëzakonshme në karrierë duke luajtur në Ligue 1 me Clermontin si dhe ka zënë vendin e titullarit te Kosova ku sot është njëri nga më të rëndësishmit për trajnerin Alain Giresse. /Telegrafi/
Lufta Prigozhin - Putin
Më shumëPër tre muaj, 50 baste: Publikohet videoja ku Tonali mezi pret të ndëshkohet me karton të verdhë
Reagon babai i Olti Hysenit, pas deklaratës 'bombastike' të lojtarit të talentuar
Zbulohet emri i vërtetë i Kylian Mbappes - ka lënë të shokuar fansat e tij
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Një minutë në fushë kushton 2 milionë euro – dështimi më i madh i Chelseat nga blerjet e fundit
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia