Presidenti i Turqisë Recep Tayip Erdoğan njoftoi se gjashtë persona kanë humbur jetën dhe 53 janë lënduar nga shpërthimi në sheshin Taksim të Stambollit.

Reklama

Shpërthimi raportohet se ndodhi sot në orën 16:20 sipas kohës lokale, me këtë rast u mobilizuan, zjarrfikësit, policët dhe ekipet mjekësore.

Shpërthimi ka shkaktuar zhurmë të madhe, kurse ekipet e policisë kanë dalë në vendngjarje dhe kanë marrë masa sigurie në rrugë.

Pamjet të shpërndara në rrjetet sociale kanë treguar në kënde të ndryshme shpërthimin e së dielës, ku kishte grumbull të njerëzve.

Bazuar në informacionin fillestar nga guvernatori i Stambollit, Ali Yerlikaya, Erdogan tha se shpërthimi mund të jetë akt terrorist.

Reklama

“Turqia nuk do të përkulet para terrorizmit. Ne do të identifikojmë të gjithë ata që janë përgjegjës për sulmin”, u shpreh Erdogan.

Reklama

“Vendi ynë duhet të jetë i sigurt se autorët e incidentit në rrugën Istiklal do të dënohen siç e meritojnë”, shtoi ai. /Telegrafi/