Një zjarr në një fabrikë në Kinën qendrore vrau dhjetëra njerëz të hënën, sipas mediave shtetërore kineze, i fundit në një varg aksidentesh industriale fatale që goditën vendin në vitet e fundit.

Reklama

Gazeta shtetërore Henan Daily raportoi të martën se dy persona të raportuar më parë të zhdukur ishin gjetur të vdekur pas zjarrit në fabrikë në Anyang, provincën Henan, duke e çuar numrin e të vdekurve në 38, përcjell Telegrafi.

Dy të tjerë po trajtoheshin për lëndime të lehta, njoftoi transmetuesi shtetëror CCTV të martën.

Policia ka arrestuar një numër të paspecifikuar të dyshuarish në lidhje me zjarrin, të cilit zjarrfikësve iu deshën gati shtatë orë për ta shuar, sipas CCTV.

Reklama

Sipas gjetjeve paraprake, zjarri u shkaktua nga shkelje të protokolleve të saldimit elektrik, raportoi Henan Daily, duke cituar autoritetet.

Reklama

Kina ka parë një sërë aksidentesh industriale në vitet e fundit që kanë lënë shumë të vdekur, duke ngritur shqetësime për sigurinë publike.

Në vitin 2015, të paktën 173 njerëz vdiqën pas një sërë shpërthimesh në një magazinë kimike në qytetin portual verior të Tianjin. /Telegrafi/