Kryeministri i Shqipërisë, Edi Rama dhe ish-sekretari amerikan i shtetit, Mike Pompeo morën pjesë sot në nënshkrimin e Memorandumit të Mirëkuptimit mes operatorit shqiptar të shpërndarjes së gazit Albgaz dhe kompanisë bullgare Overgas.
Kompania Overgas ka shprehur interes për t’u furnizuar me gaz përmes terminalit të gazit që do të ngrihet në Vlorë, një projekt me rëndësi të veçantë, i cili po bëhet realitet me kompanitë më të njohura amerikane.
Në një njoftim në Facebook ku shpërndau pamje nga ceremonia e mbajtur për këtë rast në Tiranë, Kryeministri Rama e konsideroi këtë memorandum një hap të rëndësishëm.
“Me Sekretarin e Shtetit, Mike Pompeo, në një tjetër hap të rëndësishëm drejt përmbushjes së vizionit Shqipëria 2030 eksportuese neto e energjisë. Furnizimi me gaz përmes terminalit të ri që do të ngrihet në Vlorë, tanimë po zgjon interesa të shumanshme”, tha Rama në fjalën së tij të rastit.
“Është një moment i shënuar për një nga projektet tona më të rëndësishme dhe strategjike që ka të bëjë me gazifikimin e Shqipërisë, duke iu referuar projektit të Termocentralit të Vlorës të pjesës gazifikuese të portit lundrues që do të ndërtohet në Vlorë dhe padyshim të një hapi të madh që ne po hedhim duke e kthyer këtë projekt nga një projekt lokal në një projekt rajonal”, u shpreh ministrja e Infrastrukturës dhe Energjisë Belinda Balluku, gjithashtu pjesëmarrëse në event.
Ky fakt, theksoi Balluku, është dukur qartazi në javët e fundit, kur ne pasi kemi publikuar të gjithë përpjekjen tonë në bashkëpunim me partnerët tanë amerikanë, duke përmendur këtu kompanitë e mëdha, por nga ana tjetër kemi pasur një shprehje dëshire për bashkëpunim nga Maqedonia e Veriut dhe Kosova, për tu bërë pjesë e këtij projekti, duke e kthyer këtë projekt në një projekt të rëndësishëm rajonal.
Ministrja Balluku u shpreh se “projektit tonë i afrohen edhe partnerë të tjerë mjaft të njohur me kontribute shumë të mëdha në fushën e naftës dhe gazit në SHBA, që është “Linden Group”. Ne sot ndihemi me të vërtet të nderuar që të kemi interesin e tyre për të bashkëpunuar dhe për të firmosur një memorandum bashkëpunimi, për ta zhvilluar këtë projekt edhe më tej nga çfarë ne kemi në biznes planin tonë të derisotëm”.
“Fakti që sekretari e mbështet këtë nismë dhe është këtu sot për të dëshmuar se ky do të jetë një bashkëpunim serioz dhe në të ardhmen mund të kthehet në një bashkëpunim real, ku do të kontribuojnë jo vetëm shtetet që përmenda, por edhe më tej siç është rasti i Overgas-it bullgar i cili për shkak të gjithë gjeopolitikës dhe zhvillimeve, që po ndodhin po has vështirësi, të cilat pa dyshim në të ardhmen do të zgjidhen përmes këtyre projekteve rajonale ku Shqipëria luan një rol të rëndësishëm”, tha Balluku.
“Të gjitha ndryshimet gjeopolitike e kanë vënë Shqipërinë në një pozicion më të fortë për shkak të gjeografisë që ajo ka, por mbi të gjitha për shkak të aderimit që ne bëjmë si anëtar i NATO-s. por edhe të gjithë marrëdhënies dhe partneritetit strategjik që ne kemi prej vitesh me SHBA-në”, tha Balluku. /Telegrafi/
Lufta Prigozhin - Putin
Më shumë“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Von Cramon: Nuk ekziston më arsyeja për masat kufizuese të BE-së ndaj Kosovës
Osmani për fjalimin e saj në KS të OKB-së: E kemi thënë të vërtetën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre