Ndeshja mes Trepçës dhe Rahovecit e ka arsyetuar epitetin e derbit të xhiros në Superligën e Kosovës në hendboll (meshkujt).

Të shtunën mbrëma në “Minatori”, fitore të rëndësishme dhe dramatike ka shënuar Rahoveci. 29-28 në të mirë të “vreshtarëve” ishte rezultati në fund të takimit. Rahovecasit te fitorja kanë arritur në pjesëlojën e dytë, duke marrë kështu dy pikë të rëndësishme.

Pas 30 minutave lojë rezultati ishte 16-13 për Trepçën. Në mesin e pjesës së dytë mysafirët barazuan rezultatin e më pas edhe kaluan në epërsi. Deri në fund u zhvillua lojë e fortë e interesante. Në minutat e fundit Rahoveci krijoi epërsi prej dy golave, 29-27. Trepça u afrua në një gol, 29-28, por nuk ia doli të barazoi.

Reklama
Reklama

Alban Haziri ishte më efikasi te Rahoveci. Ai shënoi 10 gola. Elion Vokshi shtoi pesë gola, ndërsa nga katër i kishin Besmir Kusari e Arlind Tanushi. Me numër të madh të pritjeve është dalluar portieri Arbër Curri, që po ashtu i realizoi dy gola. Muhamet Dubovci ishte më efikasi te “xehetarët” me tetë gola. Pesë i shënoi Anton Maloku, ndërsa nga katër i kishte Sali Maxhera.

Rahoveci përforcohet në pozitën e katërt me 20 pikë. Trepça bie në vendin e tretë me 25 pikë.

Në vend të dytë doli Prishtina, që tani i ka 27 pikë. Prishtina ka fituar ndaj Llapit në Podujevë me rezultatin 43-31. Fituesi është vendosur në pjesën e dytë. Pas pjesës së parë Prishtina kishte vetëm një gol epërsi, 18-17.

Reklama
Reklama

Ndërkohë, Deçani ka shënuar fitore të thellë ndaj Drenicës.

Të dielën është takimi i fundit i xhiros së 16-të. Në Ferizaj takohen Kastrioti e Vëllaznimi.