LAJMI I FUNDIT:

Rafuna për aksionin në veri ndaj bankës serbe: Kosova të koordinohet me aleatët

Rafuna për aksionin në veri ndaj bankës serbe: Kosova të koordinohet me aleatët
Lulzim Rafuna - intervistë për Telegrafin/ foto Ridvan Slivova

Kryetari i Odës Ekonomike të Kosovës, Lulzim Rafuna, në lidhje me aksionin e Policisë së Kosovës në veri kundër institucioneve financiare serbe në Kosovë, më 20 maj, ku u konfiskuan mbi 2.2 milionë euro, ka thënë se tashmë janë duke vazhduar hetimet derisa të konstatohet se çfarë do të bëhet me ato para.

Në emisionin “Magazina” në Radio Dukagjini, në lidhje me këtë aksion e të tjera të tilla, ka kërkuar nga Kosova që të ketë koordinim me vendet aleate.


“Me sa kam pasë mundësi të kem informacion prej mediave, në këtë aksion ka qenë e aktivizuar edhe Administrata Tatimore e Kosovës me Policinë, besoj që pritet proces hetimi se çka do bëhet tutje me paratë. Paratë nuk mund t’u kthehen qytetarëve nga policia e ATK-ja. Do të merret një vendim se çka do të bëhet tutje me çështjen e parave, janë të sekuestruara që është normale derisa të konstatohet a janë të ligjshme apo të paligjshme. Kosova duhet të bashkërendohet me ShBA-në e vendet e QUINT-it me vendet aleate”, ka deklaruar Rafuna.

Tutje, Rafuna ka treguar edhe për memorandumin e mirëkuptimit në fushën e turizmit që ka nënshkruar në emër të Kosovës me ShBA-në.

Ai tha se ky nënshkrim u bë në kuadër të Forumit Ekonomik Transatlantik të Evropës Juglindore që u zhvillua në Washington, ku në qendër të diskutimeve të këtij forumi ishte forcimi i bashkëpunimit ekonomik në mes të vendeve të Ballkanit Perëndimor dhe ShBA-së.

Rafuna, në emër të Republikës së Kosovës, nënshkroi Memorandumin e Mirëkuptimit “Fuqizimi i bashkëpunimit turistik transatlantik në mes të Ballkanit Perëndimor dhe Shteteve të Bashkuara” që ishte dhe pika kulmore e këtij forumi dyditor.

Sipas Rafunës, në këtë forum u fol edhe për mundësitë dhe sfidat e thellimit të bashkëpunimit ekonomik në mes të vendeve të Ballkanit Perëndimor dhe ShBA-së, me theks në sektorin e energjisë, turizmit, bankave e financave dhe digjitalizimit.

Ai ka theksuar se marrëdhëniet ShBA-Kosovë duhet të ruhen dhe të thellohet bashkëpunimi.

Në trend Ekonomi

Më shumë
GP Aviation realizon fluturimin e parë Prishtinë - Zürich - Prishtinë

GP Aviation realizon fluturimin e parë Prishtinë - Zürich - Prishtinë

Prishtina Ticket
BrainHero.ai - Platformë që i jep krah imagjinatës së fëmijëve

BrainHero.ai - Platformë që i jep krah imagjinatës së fëmijëve

BrainHero.ai
Sonte është lojë e trent, ha Patos ti ha!

Sonte është lojë e trent, ha Patos ti ha!

Patos Kosova
Një platformë që çdo prind duhet ta dijë: BrainHero.ai sjell botën e përrallave në shtëpinë tuaj!

Një platformë që çdo prind duhet ta dijë: BrainHero.ai sjell botën e përrallave në shtëpinë tuaj!

BrainHero.ai
​BQK: Vlera e kredive të reja për muajin maj 2024 arriti në 232.94 milionë euro, e depozitave të reja 56.24 milionë euro

​BQK: Vlera e kredive të reja për muajin maj 2024 arriti në 232.94 milionë euro, e depozitave të reja 56.24 milionë euro

Ekonomi
Shijo verën, jo të nxehtin!

Shijo verën, jo të nxehtin!

Neptun
Kalo në kategori