Ministri i Ekonomisë dhe Ambientit, Blerim Kuqi ka raportuar në Komisionin parlamentar për Ekonomi, lidhur me gjendjen në Telekom pas bllokimit të llogarive bankare.
Ai ka treguar se sot kryeministri Avdullah Hoti është takuar me drejtues të Telekomit dhe kompanisë “Dardafon”, ku nga kjo e fundit ka kërkuar që t’i zhbllokojë llogaritë bankare dhe t’u jepet afat deri më 1 tetor.
Sipas ministrit Kuqi ende nuk kanë marrë një përgjigje për veprimet e kësaj kompanie, por shtoi se nuk ka bëhet fjalë për ndonjë marrëveshje pa kushte me “Dardafon”.
“Sot kryeministri ka pasur një takim me kompaninë ‘Dardafon’ dhe me Telekomin, ku kemi kërkuar nga ‘Dardafoni’ që ta bëjë zhbllokimin e xhirollogarive të Telekomit deri më 1 tetor, në mënyrë që ne të kemi mundësi edhe hapësirë të veprimit në ndërkohë. Normalisht që brenda kësaj periudha të kemi edhe një marrëveshje në mes të Telekomit dhe ‘Dardafonit’ në qoftë se është e mundshme. Në qoftë se nuk mund të jetë e mundshme prej datës 1 tetor ‘Dardafon’ të ketë të drejtën e bllokimit të llogarive pas kësaj date… Kërkesa jonë është e thjesht, debllokimi të bëhet pa kushte, vetëm një kushte për t’u marr vesh brenda kësaj periudhe”, theksoi Kuqi.
Ndërsa, gjatë raportimit para deputetëve edhe U. d. Kryeshefja ekzekutive e Telekomit, Burbuqe Hana ka thënë se nuk e njohin borxhin ndaj “Dardafonit”, dhe janë duke përgatitur kundër padi në arbitrazh.
Ajo tha se me të kësaj kundër-padie pretendohet të kërkohen mbi 100 milionë euro dëmshpërblim nga “Dardafon”.
Madje, sipas saj, asnjë qeveri nuk ka bërë asgjë për ta mbështetur kompaninë për të ngritur kundër padi pasi ka materiale të bollshme në favor të Telekomit.
“Vetë Qeveria e Kosovës nuk ka bërë asgjë, asnjëra. Për neve është çështje e mbyllur me ‘Dardafonin’. Procesi kontestohet. Telemi është në përpjekje me i mbledhë të gjitha të dhënat për ta shfrytëzuar në kundër padi”, theksoi Hana.
Punët mirë Telekomi nuk i ka as me ARKEP-n, kjo e fundit po e paralajmëron se mund të nis një përmbarim ndaj Telekomi për një borxh rreth 7 milionë euro.
Kështu ka thënë anëtar i bordit të ARKEP-it, Shqipërim Pula, edhe pse tha se e kupton gjendjen e rëndë financiare të Telekomit.
“Borxhi e ka zënë borxhin tjetër, kështu që është një shumë prej 6 milionë e 818 mijë euro në tërësi. Ne kemi dhënë disa udhëzime operatorit, por njëkohësisht edhe e kemi njoftuar që mund të nis edhe një proces përmbarimi. Pra është njoftuar që mund të filloj edhe një proces përmbarimi”, theksoi Pula.
Para deputetëve U.d. kryeshefja ekzekutive në Telekom ka thënë se kostoja e pagave në Telekom është 2 milion euro në muaj për 2 mijë e 320 punëtorë sa janë aktualisht.
Ndërsa, totali i borxhit duke llogaritë edhe atë të “Dardafon”-it janë 53 milionë euro si dhe ndaj ATK-së borxhet janë 4 milionë 400 mijë euro./kp/Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Kurrë s’e ke pas ma lehtë se me Telegrafi Jobs me gjetë punë!
Bëhu banor i kryeveprës së Prizrenit - Grand Residence
Qysh bohet kerri i vogël, kerr i ri!
Policia me apel për qytetarët: Kujdes nga mashtrimi përmes investimeve të dyshuara online
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City