Qeveria jep mendim negativ për RTVM, ka humbje prej 26 milionë denarë

Qeveria e Maqedonisë ka dhënë mendim negativ për punën e Radio Televizionit të Maqedonisë për vitin e kaluar. Ata tregojnë rezultate negative financiare, sipas të cilës servisi publik ka humbje prej 26 milionë denarë, ndërsa vërhet edhe mosrespektim i standardeve joprofesionale gjatë punës.

Qeveria dha këtë mendim me kërkesën e Kuvendit, i cili kërkoi të bëhej për raportin vjetor për punën e Radiotelevizionit të Maqedonisë për vitin 2018.

“Qeveria, bazuar në mendimin e Ministrisë për Shoqëri Informatike dhe Administratë, në bashkëpunim me Ministrinë e Financave, ka krijuar opinion negativ në lidhje me raportin vjetor mbi funksionimin e Radiotelevizionit Maqedonas për vitin 2018, duke marrë parasysh treguesit financiarë për funksionimin e Radio Televizionit të Maqedonisë për vitin 2018, të cilat janë negative me një humbje prej 26 milion denarë”,tho.

Përveç kësaj, qeveria konfirmoi mendimin se Radio Televizioni i Maqedonisë nuk i plotësoi standardet profesionale dhe etike të gazetarisë për të siguruar pavarësinë editoriale, paanshmërinë dhe objektivitetin në informacione, që rrjedhin nga Neni 111 i Ligjit për Shërbimet e Mediatike Audio dhe Audiovizuale dhe nga rekomandimet nga raportet e BE-së për të arritur pavarësinë e plotë të shërbimit të transmetimit publik”, thuhet në deklaratë./Telegrafi/