LAJMI I FUNDIT:

PZAP-i shqipton 100 mijë euro gjoba në fushatë

PZAP-i shqipton 100 mijë euro gjoba në fushatë

Njëqind mijë euro është shuma e përgjithshme e gjobave të shqiptuara nga Paneli Zgjedhor për Ankesa dhe Parashtresa gjatë periudhës trijavore për zgjedhjet lokale të 22 tetorit 2017.

Mulë Desku, kryesues i Sekretariatit të PZAP-it,  ka deklaruar për gazetën “Zëri” se gjobat e shqiptuara nga PZAP-i për shkeljet në fushatë për këto zgjedhje janë më të ulëta sesa në zgjedhjet paraprake.

“Gjatë zgjedhjeve lokale të vitit 2013 shuma e gjobave ka qenë 190,550 euro, ndërsa deri më tani për këto zgjedhje lokale ndaj subjekteve politike janë shqiptuar gjoba mbi 100,000 euro”, ka thënë Desku.

Desku ka bërë të ditur se subjektet politike dhe kandidatët e tyre mund të dënohen deri në 50 mijë euro për shkelje të ligjit.

“Subjektet politike dhe kandidatët e tyre mund të dënohen sa herë që e shkelin Ligjin e Zgjedhjeve të Përgjithshme, rregullat zgjedhore, si dhe rregullat e brendshme të PZAP-it, si dhe në bazë të LZP-së mund të dënohen deri në 50,000.00 euro”, sqaron Desku.

Gjoba për shkelje në fushatë i janë shqiptuar Partisë Demokratike të Kosovës, Aleancës Kosova e Re, lëvizjes ‘Vetëvendosje’, Alternativës, etj.

Dënime do të paguajnë edhe kandidatët e këtyre partive për kryetarë komunash si: Lirak Çelaj (PDK) 3500 euro, Shpend Ahmeti (LVV) 2000 euro, Mimoza Kusari (Alternativa) 3500 euro.

Kandidatët tjerë ndaj të cilëve ka pasur ankesa dhe janë shqiptuar gjoba nga PZAP-i janë:

Selim Pacolli, kandidat i AKR-së për kryetar të Komunës së Prishtinës, Imri Ahmeti, kandidat i LDK-së për kryetar të Komunës së Lipjanit, Burim Berisha, kandidat i LDK-së për kryetar të Komunës së Fushë Kosovës; Agim Bahtiri, kandidat i AKR-së për kryetar të Komunës së Mitrovicës; Muharrem Sfarqa, kandidat i LDK-së për kryetar të Komunës së Ferizajt dhe Agim Veliu, kandidat i LDK-së për kryetar të Komunës së Podujevës. /Zëri/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Limaj: Nuk duhet të shkojmë në zgjedhje kur dëshiron Kurti

Limaj: Nuk duhet të shkojmë në zgjedhje kur dëshiron Kurti

Siguri
Kalo në kategori