Presidenti rus, Vladimir Putin nënshkroi sot një dokument të ri strategjik rus që synon kufizimin e “dominimit perëndimor”. Dokumenti rendit Kinën dhe Indinë si partnerë kryesorë për të ardhmen e Rusisë.
Siç raportohet nga AFP, dokumenti i ri strategjik çimentoi përçarjen e thellë të stilit të Luftës së Ftohtë midis Moskës dhe Perëndimit, e cila u thellua në mënyrë drastike pas pushtimit rus të Ukrainës.
“Prioriteti i Federatës Ruse është eliminimi i mbetjeve të dominimit të Shteteve të Bashkuara dhe vendeve të tjera armiqësore në politikën botërore”, thuhet në dokumentin strategjik të nënshkruar sot nga Putin.
Termi “vendet armike” përdoret nga Rusia për të përshkruar vendet, kryesisht në Evropë dhe Amerikën e Veriut, që dënuan pushtimin rus të Ukrainës dhe vendosën sanksione ndaj Moskës, transmeton Telegrafi.
Në dokumentin prej 42 faqesh të publikuar në ueb-faqen e Kremlinit thuhet se Rusia planifikon të “krijojë kushtet që çdo vend të refuzojë qëllimet neo-kolonialiste dhe hegjemoniste”.
Duke njoftuar nënshkrimin e dokumentit në një seancë të Këshillit të Sigurimit të Rusisë, Putin tha se përditësimi i strategjisë për skenën globale është “i domosdoshëm për shkak të ndryshimeve radikale në botë”.
Kjo strategji, sipas AFP, pasqyron qëndrimin gjithnjë e më të theksuar antiperëndimor të Putinit për shkak të sanksioneve dhe ndihmës ushtarake perëndimore për Ukrainën. Një qëndrim i tillë ishte shumë i dukshëm gjatë fjalimit të liderit rus për gjendjen e kombit të mbajtur muajin e kaluar.
Në strategjinë e re, Rusia veçon lidhjet me Kinën dhe Indinë ndërsa thekson rëndësinë e “thellimit të lidhjeve dhe koordinimit me qendrat miqësore sovrane globale dhe zhvillimit në kontinentin Euroaziatik”, raporton themoscowtimes.
Putin së fundmi zhvilloi një takim me presidentin kinez, Xi Jinping në Moskë dhe foli mirë për marrëdhëniet Rusi-Kinë. Konkretisht, Moska rriti eksportin e produkteve energjetike në Kinë dhe Indi pasi u shkëput pothuajse plotësisht nga tregjet evropiane për shkak të sanksioneve të vendosura nga Perëndimi.
Në dokument, Rusia përshkruhet si një “shtet qytetërimi” detyra e të cilit është “të mbrojë botën ruse”, e cila nga ana e saj përshkruhet si “kultura të lidhura në kontinentin Euroaziatik”.
Koncepti i “botës ruse” përdoret nga Kremlini për të justifikuar pushtimin e Ukrainës. Ai pretendon se me luftën në Ukrainë, ushtria ruse po mbron pakicën ukrainase që flet gjuhën ruse.
Strategjia gjithashtu thekson se Rusia do të mbrojë “vlerat tradicionale shpirtërore dhe morale” kundër “pozicioneve pseudohumaniste dhe të tjera ideologjike neo-liberale”. /Telegrafi/
Promo
Reklamo këtuLufta Prigozhin - Putin
Më shumëIzraeli sulmon Iranin me raketa
“Hakmarrja” e Izraelit ndaj Iranit – të gjitha zhvillimet, minutë pas minute
SHBA me mesazh të qartë për Izraelin, nëse Tel Avivi vendos për një “kundërofensivë” kundër Iranit
Pamjet e para nga sulmi izraelit drejt Iranit
Çfarë janë retë artificiale dhe a shkaktuan përmbytjet e mëdha në Dubai?
Sulmi i Izraelit ndaj Iranit, gjenerali amerikan shpjegon se cili ishte "mesazhi i Tel Avivit për Teheranin"
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi