Publikohen specifikat kryesore dhe dizajni i Honda Prologue

Honda prezantoi pjesërisht para disa ditësh modelin Prologue, një SUV i madh që pritet të dalë në rrugë në vitin 2024. 

Ajo është projektuar në Honda Design Studio në Los Angeles dhe përmban të ashtuquajturën gjuhë të dizajnit “neo-rugged”, raporton Arena EV.

Gjatësia totale është 4.88 metra, është gjithashtu mjaft e gjerë – disa milimetra më e vogël se 2 metra dhe është 1.64 metra e lartë, transmeton Telegrafi.

Fotot paraqesin Prologue në rrota 21 inç dhe duke gjykuar nga fotot e pasme, dekorimi më i lartë i Prologue do të quhet “Elite”.

Për më tepër, mbishkrimi AWD në anën e pasme sugjeron se një sistem me dy motorë do të jetë i disponueshëm në të paktën disa modele.

Sa i përket pjesës së brendshme, ai është ndërtuar rreth dy ekraneve të mëdhenj – ekrani i grupit të instrumenteve është saktësisht 11 inch ndërsa ai i informacionit argëtues është pak më i madh – 11.3 inch.

Lajmi i mirë është se kontrollet e klimës së bashku me veçoritë e tjera standarde funksionojnë nëpërmjet butonave fizikë, gjë që ndoshta është një lehtësim i madh për shumicën.

Deri më tani, nuk kemi asnjë informacion mbi sistemin e lëvizjes, baterinë, peshën, etj. Më shumë specifika priten në muajt e ardhshëm. /Telegrafi/