Publikohen pamjet tronditëse: Momenti kur një burrë në metronë e Brukselit shtyu një grua në shina, në momentin e mbërritjes së trenit

Një i ri e shtyu qëllimisht një grua në shinat në stacionin e metrosë Rogier në Bruksel rreth orës 19:45 të së premtes në mbrëmje, por për fat të mirë, metroja mundi të ndalonte në kohë.

Sipas mediave të huaja, përcjell Telegrafi, gruaja u shty në shina ndërsa metro po vinte drejt stacionit.

Megjithatë, ajo u ndihmua shpejt duke u larguar nga shinat nga kalimtarët, konfirmoi kompania e transportit publik të Brukselit STIB, e cila operon metro në kryeqytet.

“Shoferi reagoi shumë mirë, por është shumë i tronditur, ashtu si edhe viktima”, tha Guy Sablon, zëdhënës i STIB, për The Brussels Times.

Operatori i trenit të metrosë thuhet se e pa personin në shina dhe ndaloi në kohë duke tërhequr frenën e emergjencës, siç mund të shihet në videon më poshtë.

(⚠️Vidéo choc)
Tentative de meurtre dans la station de métro Rogier à Bruxelles ce vendredi vers 19h40. pic.twitter.com/dT0ag5qEFu

— Infos Bruxelles🇧🇪 (@Bruxelles_City) January 14, 2022

Në vendngjarje ka mbërritur menjëherë policia dhe urgjenca. Viktima dhe drejtuesi i metrosë janë dërguar në spital dhe pasi kanë marrë kujdesin e nevojshëm janë lejuar që të dy të kthehen në shtëpi.

Autori u largua menjëherë pasi e shtyu gruan, por që atëherë ai është arrestuar, konfirmoi zyra e prokurorit publik të Brukselit të shtunën në mëngjes. /Telegrafi/