Publikohen pamjet e plota të incidentit, fillimisht Gjesti lagu Jozin dhe Loredanën me alkool – më pas Gerta “u hakmor” duke e lagur atë

Në spektaklin e së martës në Big Brother VIP Albania, janë publikuar për herë të parë pamjet e plota të incidentit mes Gjestit dhe Gertës, një moment që shkaktoi shumë diskutime brenda dhe jashtë shtëpisë.

Pamjet tregojnë se situata nisi gjatë ceremonisë martesore brenda shtëpisë, ku Gjesti, në një moment loje, lagu çiftin e sapo “martuar”, Loredanën dhe Jozin, me shampanjë.

Ky veprim krijoi tension mes banorëve, ndërsa Gerta, e cila e konsideroi këtë një lojë të guximshme, vendosi të vijonte me të njëjtën qasje.

Megjithatë, situata mori një kthesë të papritur kur Gerta e lagu Gjestin me alkool në fytyrë, gjë që i shkaktoi atij shqetësime në sy.

Pamjet e plota tregojnë momentin kur ai ndjen djegie dhe largohet për të marrë ndihmë. Ai u drejtua menjëherë në Dhomën e Rrëfimit, ku iu dha trajtim nga Egli, e cila u sigurua që ai të ndihej më mirë dhe të merrte kujdesin e nevojshëm.

Lexo po ashtu Ledion Liço njofton se spektakli i së shtunës anulohet për shkak të zgjedhjeve në Kosovë: BBVA ka treguar se sa të bashkuar janë shqiptarët

Kjo ngjarje ka sjellë reagime të shumta në publik, me fansat që ndahen mes atyre që e shohin si një incident të paqëllimshëm dhe të tjerë që mendojnë se duhet të ketë pasoja për veprimin e Gertës.

Tashmë mbetet për t’u parë nëse produksioni i Big Brother VIP Albania do të marrë ndonjë vendim lidhur me këtë situatë. /Telegrafi/