PSG dërgon në UEFA një dosje në shenjë proteste, tetë provat që klubi francez ka paraqitur rreth referimit të dobët ndaj Barçës (Foto/Video)

Në Paris nuk është kapërdirë ende eliminimi nga Barcelona pas humbjes 6-1 në Camp Nou.

Klubi francez ka dërguar në zyrat e UEFA-s një dosje ku ka vënë në dukje gabimet e arbitrit Deniz Ayetkin, që sipas drejtuesve të PSG ndikuan në rezultatin përfundimtar të sfidës.

Mes episodeve të kontestuara nga Paris Saint Germain ishin dy penalltitë e akorduara në favor të katalanasve, sidomos ajo e Luis Suarez, si dhe ajo që nuk u dha në favor të parisienëve pas një kontakti në zonë mes Javier Mascheranos dhe Angel Di Marias.

Ishin të shumta videot dhe fotot që pasqyronin episodet e dyshimta që e bënë Paris Saint German të ndjente mungesën e respektit nga UEFA.

Sipas drejtuesve të kampionëve të Francës, Aytekin ra pre e presionit dhe u kushtëzua jo pak nga ambienti i krijuar nga më shumë se 96 mijë të pranishmit në Camp Nou, transmeton TCh.

Megjithatë, Paris Saint Germain nuk e diskutoi aspak eliminimin dhe nuk kërkon që të riluhet ndeshja, ashtu siç kërkohet në një peticion në portalin change.org, ku janë mbledhur mbi 250 mijë firma.

Ajo që kërkoi klubi transalpin ishte t’i vinte në dukje qeverisë së futbollit evropian faktin se Aytekin ishte i papërshtatshëm për të gjykuar atë ndeshje.

1. Prekja me dorë nga Mascherano

2. Duhej kartoni i dytë i verdhë për Pique

3. Sipas tyre mbrojtësi Thomas Meunier ishte rrëzuar paraprakisht dhe Neymar ka goditur kokën e tij

4. Në momentin kur ishte rezultati 3-1 Neymar ndërhyri keq në Marquinhos dhe u ndëshkua me karton të verdhë, por PSG mendon se braziliani meritoi të kuqin pasi ishte ndërhyrje nga pas dhe pa top.

5. Tentimi i parë i Suarezit për të mashtruar gjyqtarin

6. Prekja me dore nga Pique kur rezultati ishte 3-1

7. Duhej karton i kuq për Mascheranon pas ndërhyrjes në zone në Di Marian

8. Nuk ishte penallti ajo e Suarezit nga Marquinho