Protesta për emrin kaloi qetë – me thirrje që të vazhdojë nesër në ora 11:00
Protesta e qytetarëve para Kuvendit të Republikës së Maqedonisë kundër marrëveshjes me Greqinë ku ndryshohet emri i shtetit, sonte zgjati me pak se dy orë dhe ishte e qetë, pa incidente dhe pa materiale piroteknike me forca të shumta policore.
Nga protesta, ku brohoritej”Maqedoni” dhe “Tradhtarë” duke kënduar këngë patriotike maqedonase, ishte dërguar thirrje qytetarëve që përsëri të mblidhen nesër në ora 11:00 para Kuvendit, para se të filloj seanca parlamentare ku në rend të ditës do të jetë Propozim-ligji për ratifikimin e marrëveshjes, duke deklaruar se protestat do të vazhdojnë çdo ditë nga ora 20:00 para Kuvendit deri sa të tërhiqet marrëveshja, përcjell Telegrafi Maqedoni.
Në parkun “Gruaja luftëtare” para qytetarëve mbajtën fjalim, Sollza Grçeva, Fillip Petrovski, Strasho Ollumçev, Janko Baçev. Ata përmendën se nuk duhet të ketë referendum për emrin duke kërkuar dorëheqjen e deputetëve të LSDM-së, kurse nga deputetët e OBRM-PDUKM-së dhe liderit të tij kërkuan që të jenë në anën e popullit. Këtë e kërkuan edhe nga policia.
Fillip Petrovski nga Kryeministri Zoran Zaev dhe nga ministrat Nikolla Dimitrov dhe Radmilla Sheqerinska kërkoi që të tërheqin marrëveshjen. Nga ministri Oliver Spasovski kërkoi dorëheqje nga shkaku se policia mbrëmë ka rrahur qytetarë të pafajshëm, kurse kur ngjyroseshin Kuvendi dhe bustet nuk ka prekur asnjërin me muaj të tërë.
Kemi të drejtën historike të protestojmë dhe të mbrojmë emrin tonë kushtetues Republika e Maqedonisë. Nesër në ora 11:00 është caktuar seanca e tradhtisë. I bëj thirrje popullit që të bllokoj Kuvendin. Ju keni të drejtë për këtë. Deputetëve e LSDM-së ju bëj thirrje të mos marrin pjesë në këtë tradhti dhe të mbesin këtu me popullin. Policia t’i heqë helmetat dhe të na bashkëngjitet në protestë, tha Petrovski duke apeluar qytetarëve se ata janë shpresa e fundit për Republikë të Maqedonisë.
Sipas Sollza Grçeva, marrëveshje është e pjellë e vdekur në epruvetë, që vazhdimisht bëjnë përpjekje për ta ngjallur. Ajo tha se historia dënon kurse tash është koha kur nuk duhet të lirosh asnjë centimetër.
Kemi qytetarë të mençur dhe të mirë, mbi të gjitha qytetarë të ndershëm që dinë se çka është Kushtetutë dhe e drejta ndërkombëtare, do të luftojmë ne të gjitha frontet e mundshme dhe do të fitojmë. Kjo pjellë e vdekur të cilën e lëvizin dhe mendojnë që ta ngjallin, nuk do të ngjallet në këtë vend. Maqedonia do të mbetet, ky popull i mrekullueshëm që testohet për durimin e tij, ashtu siç u testua mbrëmë, Ky popull është si guri dhe asnjëri asnjëherë nuk do ta heqë nga këtu. Nuk do të ndalemi deri në shpërbërjen e Kuvendit, e kësaj elite e cila nuk ka lidhje me ne duke vulgarizuar gjithçka. Por të gjithë ata, një nga një do ta lëshojnë këtë Kuvend, tha Grçeva./Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti: Anëtarësimi në KiE, hapi i parë drejt bashkimit me familjen evropiane
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë