Videot e shpërndara në mediat sociale në Kinë duket se tregojnë protesta të reja kundër kufizimeve shkaku i rritjes së numrave të të infektuarve me COVID-19 dhe vdekjes së dhjetë personave në një apartament.

Reklama

Demonstruesit u filmuan duke u përballur me zyrtarët, duke thyer një barrierë dhe bërtitur “fund bllokimit të coronavirusit”.

Pekini vazhdon të ndjekë një politikë zero COVID-19, pavarësisht numrit rekord të infeksioneve dhe zemërimit në rritje të publikut.

Autoritetet në qytetin e Urumqit kanë mohuar pretendimet se kufizimet ndaluan njerëzit që t’i shpëtonin zjarrit të së enjtes.

Kryeqyteti i rajonit perëndimor Xinjiang ka qenë nën kufizime që nga fillimi i muajit gusht.

Reklama

BBC-së iu tha më herët nga një banor se njerëzit që jetonin në kompleksin e goditur nga zjarri u penguan kryesisht të largoheshin nga shtëpitë e tyre.

Reklama

Kjo është kundërshtuar nga media shtetërore kineze. Megjithatë, autoritetet e Urumqit kërkuan falje të pazakontë të premten vonë – duke u zotuar të ndëshkojnë këdo që kishte braktisur detyrën e tyre.

Pamjet e shpërndara të premten mbrëma treguan banorët, shumë prej tyre me maska në fytyrë, duke u mbledhur pas errësirës në rrugët e qytetit.

Një demonstrues bërtet përmes një megafoni dhe në një video tjetër, një turmë depërton nëpër një pengesë të kontrolluar nga punonjësit e qytetit të veshur me veshje mbrojtëse.

Reklama

Transmetimet e drejtpërdrejta të monitoruara nga BBC të premten në mbrëmje u shfaqën gjithashtu për të treguar protestuesit të mbledhur në shkallët e një ndërtese të qeverisë së qytetit. /Telegrafi/