LAJMI I FUNDIT:

Procesi i shkarkimit të kryetarëve në veri mund të marrë kohë disa muaj

Procesi i shkarkimit të kryetarëve në veri mund të marrë kohë disa muaj

Të hënën është dita e fundit kur komuniteti serb mund t’i dërgojë nëpër kuvendet komunale peticionet për shkarkimin e kryetarëve nga partitë shqiptare të katër komunave veriore. Por pas kësaj, grupet nismëtare i pret një rrugë e gjatë deri te akti përfundimtar i shkarkimit, duke u bazuar në udhëzim administrativ të hartuar nga Ministria e Administrimit të Pushtetit Lokal.

Që nga dita e mërkurë, komuniteti serb po mbledh nënshkrime për peticionin me të cilin synojnë t’i shkarkojnë kryetarët e katër komunave në veri të Kosovës që janë nga partitë shqiptare.

Krejt kjo po bëhet bazuar në udhëzimin administrativ që u hartua enkas për këtë çështje nga Ministria e Administrimit të Pushtetit Lokal, në shtator të 2023-ës.

Nënshkruesit e peticionit duhet të jenë 20% të qytetarëve në listën e votuesve të Komisionit Qendror të Zgjedhjeve.

“Nëse konstatohet që nuk është plotësu numri prej 20% ose nëse ka gabime në fletat që duhet të regjistrohen nënshkruesit, atëherë KQZ ka të drejtë të ju jap 10 ditë afat për përmirësimin e listave ose edhe me shtu numrin e nënshkruesve nëse nuk është plotësu”, ka thënë Besim Myrtezani nga MAPL-ja.

Pas këtij procesi, KQZ-ja duhet të organizojë votimin për largimin e kryetarëve aktualë, i cili konsiderohet i suksesshëm vetëm nëse grumbullohen 50 për qind, plus një votë e votuesve potencial në këto komuna.

Peticionet në veri, “përmirësim i gabimit” apo vullnet i qytetarëve
Lexo po ashtu Peticionet në veri, “përmirësim i gabimit” apo vullnet i qytetarëve

Mirëpo nëse kjo nuk arrihet, avokati Fitim Klinaku po thotë se procesi mund të zgjasë më shumë.

“Është e rrezikshme që nëse pas zhvillimit të zgjedhjeve për largimin e kryetarit nuk votohet 50 +1 atëherë nisma tjetër nuk mund të zhvillohet më heret se 12 muaj pra si procedurë është mjaftë e gjatë”, ka thënë Klinaku.

Ndërsa, ish-sekretari i Ministrisë së Drejtësisë, Ardian Bajraktari ka bindjen se ky proces do të përfundojë me kohë, pasi sipas tij, Kosova dhe Serbia janë zotuar për këtë gjë.

“Në variantin më të mirë unë vlerësoj se në gjashtë mujorin e parë të këtij viti do të kemi realisht implementim të zotimeve që palët i kanë marrë si zotim në raport me procesin e dialogut në Bruksel”, ka thënë Bajraktari.

Qytetarët e Mitrovicës së Veriut dhe Leposaviqit mbledhjen e nënshkrimeve për shkarkimin e kryetarëve e kanë filluar ditën e mërkurë, ndërsa ata të Zveçanit dhe të Zubin Potokut të premten.

Të hënën, me datë 22 janar është afati i fundit kur të njëjtit ato nënshkrime duhet t’i dërgojnë në Kuvende Komunale përkatëse. /Dukagjini/

Në trend Lajme

Më shumë
Draft-statuti i Asociacionit, Joseph tregon pikën e mospajtimit me Kurtin

Draft-statuti i Asociacionit, Joseph tregon pikën e mospajtimit me Kurtin

Politikë
Rrëfimi i Demir Limës për Ukshin Hotin: Para se të dilte nga burgu i hoqi flokët vetëm që të solidarizohej me ne

Rrëfimi i Demir Limës për Ukshin Hotin: Para se të dilte nga burgu i hoqi flokët vetëm që të solidarizohej me ne

Lajme
Bislimi pas takimit me Lajçakun: Serbia në vazhdimësi e ka shkelur marrëveshjen në shumicën e neneve të saj

Bislimi pas takimit me Lajçakun: Serbia në vazhdimësi e ka shkelur marrëveshjen në shumicën e neneve të saj

Politikë
Shqipëria dhe Kosova bashkohen në 'Rotary International': Një ditë e rëndësishme për shqiptarët

Shqipëria dhe Kosova bashkohen në 'Rotary International': Një ditë e rëndësishme për shqiptarët

Lajme
Gërvalla: Sejdiu e ktheu LDK-në në degë të PDK-së, degradimi total ndodhi me Mustafën

Gërvalla: Sejdiu e ktheu LDK-në në degë të PDK-së, degradimi total ndodhi me Mustafën

Lajme
Prokuroria nis hetimet ndaj Përparim Ramës për shkelje në tenderin e komunës

Prokuroria nis hetimet ndaj Përparim Ramës për shkelje në tenderin e komunës

Lajme
Kalo në kategori