Konami zyrtarisht ka riemëruar serinë Pro Evolution Soccer  në ‘eFootball’ dhe kjo do të bëhet një lojë dixhitale, pa pagesë për ta luajtur, e cila vjen në PS5, PS4, Xbox Series X/S, Xbox One dhe PC këtë vjeshtë – me versionet iOS dhe Android për ta ndjekur (Konami refuzoi të komentojë mbi çdo version të mundshëm Nintendo Switch).

Siç bëhet e ditur, deri në këtë dimër, të gjitha versionet e lojës do të shfaqen me “ndër-lojë”, megjithëse lojtarët me celularë do të duhet të përdorin kontrollorë për të luajtur kundër lojtarëve me konsolë dhe PC, përcjell Telegrafi.

Ç’është më e rëndësishmja, duket se të gjitha versionet e lojës, nga konsolat e gjeneratave të reja te celularët, do të jenë funksionalisht të njëjta (jo ndryshe nga Fortnite) – me sa duket do të thotë që PES Mobile jashtëzakonisht i suksesshëm gjithashtu do të hiqet ose do të zëvendësohet.

Duke folur për IGN, prodhuesi i serive Seitaro Kimura shpjegoi se eFootball synon të ketë një qasje ‘platforme’ me azhurnime të rregullta – nuk do të ketë më lëshime vjetore të paguara të eFootball, por platforma do të marrë azhurnime falas, vjetore për sezonet e reja.

eFootball do të nisë me ndeshje ekspozite dhe me sa duket një përzgjedhje e 9 klubeve për të luajtur.

Dhe Konami thotë se do të njoftojë më shumë rreth mënyrës së lojës dhe mënyrave në internet të eFootball në fund të gushtit. /Telegrafi/