Prishtina triumfon në derbin e madh ndaj Pejës

Prishtina e ka fituar derbin e javës së tretë në Superligën e Kosovës në basketboll ndaj Pejës me rezultat 85:72.

Mbrëmja e sotme (e shtunë) ka rikthyer pas një kohe të gjatë derbin e vjetër të basketbollit në Kosovë.

Peja ka qenë nikoqir i Prishtinës në përballjen e zhvilluar në palestrën “Karagaq”, e cila e ishte e stërmbushur dhe krijoi atmosferë të madhe.

Megjithatë, ishin mysafirët të cilët triumfon në këtë takim duke qenë në epërsi gjatë gjithë ndeshjes.

Çereku i parë i këtij takimi përfundoi me rezultat 20:13 në të mirë të Prishtinës, ndërsa i dyti u fitua 18:17 nga Peja duke shkuar në pushim me rezultat 37:31.

Në pjesën e dytë apo më saktë në çerekun e tretë u zhvillua lojë e barabartë duke përfunduar 24:24, ndërsa çereku i katërt vulosi fitoren e Prishtinës, pasi fituan 24:17 apo me rezultat përfundimtar 85:72.

Te Prishtina më i dalluari ishte Fahro Alihodzic me 21 pikë e nëntë kërcime, ndërsa te Peja u dallua Henrik Sirko me 15 pikë, tetë kërcime dhe tetë asistime. /Telegrafi/