Qeveria e Kosovës i konsideron të kota dhe të pakuptimta reagimet në Serbi në lidhje me miratimin e Ligjit për Trepçën nga ana e Kuvendit të Kosovës. Për autoritetet në Prishtinë, pohimet e kreut të qeverisë serbe se do të anulojë vendimet e Prishtinës, që ndërlidhen me Trepçën, janë të pakuptimta dhe pa efekt juridik dhe praktik.
Qeveria e Serbisë ka kumtuar vendimin për, siç thuhet, anulimin e të gjitha pasojave ligjore dhe veprimeve të autoriteteve të Kosovës, të cilat kanë të bëjnë me statusin e Trepçës.
Kryeministri i Serbisë, Aleksandar Vuçiq, u ka thënë medieve në Beograd se “nuk e kupton veprimin e Prishtinës për Trepçën”.
“Nuk e kuptoj se çka kanë arritur me këtë?! Çka dëshirojnë të fitojnë dhe të bëjnë?! Cila është ideja, që të thonë se e gjithë prona është e tyre?! – Nuk është”, ka theksuar kryeministri serb Vuçiq.
Dilemave të ngritura nga kryeministri i Serbisë u është përgjigjur Prishtina zyrtare, duke i cilësuar të pakuptimta qëndrimet e Beogradit karshi pasurisë së Kosovës.
Sokol Havolli, shef i kabinetit në zyrën e kryeministrit të Kosovës, Isa Mustafa, në një prononcim për Radion Evropa e Lirë ka thënë se vendimet e tilla që janë marrë nga Beogradi zyrtar janë të pakuptimta për institucionet e Kosovës.
“Ky është një vendim i pakuptimtë dhe i paefekt në Kosovë, pasi që ligjin për Trepçën e ka nxjerr Kuvendi i Kosovës dhe është një Ligj i cili është i barabartë për të gjithë qytetarët e Kosovës, pa marrë parasysh nëse shtrihen në pjesën jugore, perëndimore apo çfarëdo pjese të Republikës së Kosovës”, tha Havolli.
Ndërkohë, edhe nismat e autoriteteve të Beogradit për të dërguar vendimin e Kuvendit të Kosovës për Ligjin për Trepçën në arbitrazh, Havolli i quan të pakuptimta.
“Çështjet e pasurisë së Kosovës që gjenden në territorin e Kosovës nuk janë çështje që edhe mund të adresohen në gjykata të ndryshme të arbitrazhit dhe të gjitha këto janë vendime apo komente të pakuptimta”, theksoi Havolli.
Në anën tjetër, kryeministri serb Vuçiq ka potencuar se autoritetet në Prishtinë, siç ka thënë ai, nuk mund të grabisin Trepçën.
“Nuk lejojmë që të preket e drejta për pronën. Nuk e japim formalisht – juridikisht, pa dhunë. Vetëm se po bëj pyetje, pse e keni bërë këtë? Për shkak të situatës së brendshme?”, ka pyetur Vuçiq, i cili ka porositur punëtorët serbë të Trepçës, se “nuk do t’i lë në baltë”.
Ndryshe, Kuvendi i Kosovës ka miratuar javën e kaluar Ligjin për Trepçën.
Trepça, sipas ligjit, do të organizohet si shoqëri aksionare, në të cilën aksionar kryesor do të jetë Qeveria me 80 për qind të aksioneve, dhe 20 për qind do të jenë aksione të punonjësve të Trepçës.
Ligji për Trepçën ka ngjallur kundërshtime te partnerët në koalicionin qeverisës, Lista Serbe. Pas këtij vendimi ata kanë ngrirë pjesëmarrjen e tyre në punën e institucioneve të vendit.
Zëvendëskryeministri Branimir Stojanoviq dhe dy ministrat serbë në Qeverinë e Kosovës, dhe deputetët serbë nga radhët e Listës Serbe, kanë marrë vendim të “ngrijnë” pjesëmarrjen e tyre në punën e Qeverisë së Kosovës, në komisionet ndërqeveritare dhe në organet e tjera qeveritare, me vlerësimet se “pjesëmarrja në to do të ishte vetëm formale dhe jo edhe thelbësore”. /Rel/Telegrafi/
Promo
Reklamo këtuLufta Prigozhin - Putin
Më shumëBesim Ramadani, personazh inspirues dhe shembull që duhet ndjekur
Shkenca e të Dhënave - Kombinim i Statistikës, Programimit dhe Biznesit
Telegrafi Jobs - Shoku yt për punë
Samir Mane përballë studentëve të Harvardit: Tregu i përbashkët rajonal duhet nxitur
Ndryshimi në skemën sociale, ministri Murati fton familjet në nevojë për aplikim
Kurti: Brenda katër viteve krijuam 87 mijë vende pune më shumë, shënuan rritje ekonomike dhe të buxhetit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare