Prindërit e Rita Orës me pushime në Shqipëri, ftojnë edhe fëmijët e tyre të vizitojnë trojet shqiptare

Këngëtarja shqiptare me famë botërore Rita Ora, vazhdon të jetë një prej emrave më aktivë në tregun botëror.

Javën e kaluar, ajo u bë temë e medieve lidhur me disa fotografi që qarkulluan në rrjetet sociale, ku shfaqej mjaft atraktive nga pushimet që kaloi me prindërit e saj në Francë.

Lexo po ashtu Rita Ora rrëmben vëmendjen me pozat atraktive në bikini nga pushimet me prindërit në Francë

Pasi kanë kaluar disa ditë të mira atje, prindërit e këngëtares, Vera dhe Besniku, kanë vendosur që të kalojnë disa ditë të mira pushimi edhe në Shqipëri.

Përmes disa imazheve të publikuara në rrjetin social Instagram, çifti kanë bërë të ditur se kanë vizituar Mrrizin e Zanave, në Shkodër.

Nga përshkrimet e fotografive, ata kanë treguar se kanë ngelur të mrekulluar nga ky vend, gjersa kanë edhe një kërkesë për fëmijët e tyre.

Ka qenë Vera, ajo e cila ka publikuar një fotografi në InstaStory, ku etiketon tre fëmijët e saj: Ritën, Elenën dhe Donin, duke u bërë thirrje që ta vizitojnë qytetin e Shkodrës, kjo pasi mikpritja sipas tyre ka qenë vërtet e mirë.

Kujtojmë që Rita Ora ishte muajin e kaluar në Shqipëri, ku mbajti një koncert madhështor në mesin e mijëra shqiptarëve në Tiranë. /Telegrafi/