Priftërinjtë ortodoksë rusë po përballen me persekutim nga shteti dhe kisha për mbështetjen e paqes në Ukrainë

Disa priftërinj ortodoksë rusë nuk pajtohen hapur me mbështetjen e liderit të tyre për pushtimin rus të Ukrainës – dhe ata po përballen me pasoja.

Në Antalia, Turqi, Ioann Koval qëndroi në një kishë të vjetër ortodokse me një Bibël dhe një qiri, transmeton Telegrafi.

Ai drejtoi meshën pasi udhëheqësit e Kishës Ortodokse Ruse vendosën t’i hiqnin titullin e tij si prift, sepse ai u lut për paqen në Ukrainë.

Lexo po ashtu Dronët kamikaz të ukrainasve shkatërrojnë makinerinë luftarake të rusëve – hedhin në erë tanke, autoblinda e sisteme raketore

Shtatorin e kaluar, kur presidenti rus Vladimir Putin i tha personelit ushtarak të ishin gati, udhëheqësi i Patriarkanës së Moskës, Kirill, u tha priftërinjve të tij që të luteshin për fitore.

Koval, duke qëndruar përpara altarit dhe shumë njerëzve në një kishë në Moskë, zgjodhi të fokusohej te paqja në vend që të ndiqte urdhrat e Kirillit.

“Duke përdorur fjalën “fitore”, lutja u bë si propagandë, duke u thënë njerëzve dhe klerit se çfarë të mendonin për luftimet. Ajo shkonte kundër asaj që besoja. Unë nuk mund ta pranoja këtë presion politik nga lart”, tha ai.

Lexo po ashtu SHBA vendosë sanksione ndaj katër rusëve të lidhur me Alfa Group

Në lutjen, prifti 45-vjeçar ndryshoi vetëm një fjalë, duke zëvendësuar “fitoren” me “paqe”. Por ky ndryshim mjaftoi që gjykata e kishës t’i hiqte postin e priftit.

Pasi një gjykatë e Kishës Ortodokse Ruse vendosi që ai të shkarkohej, Koval iu drejtua Patriarkut Ekumenik Bartolomeu i Kostandinopojës, i cili ka pohuar të drejtën për të marrë peticionet e apelit nga kleri i kishave të tjera ortodokse, mbi kundërshtimet e Rusisë.

Patriarkana vendosi që Koval i cili u dënua për qëndrimin e tij në luftën në Ukrainë, të rivendoste gradën e tij të shenjtë. Të njëjtën ditë, Bartolomeu e lejoi të shërbente në kishat e tij.