Pretendon se është më e moshuara në botë, turkja festoi ditëlindjen e 119-të – thotë se sekreti i jetëgjatësisë është ushqimi i shëndetshëm

Şeker Arslan vikendin e kaluar festoi ditëlindjen e 119-të. Mediat turke raportojnë se në patentë shoferin e saj, thuhet që Şeker Arslan ka lindur më 27 qershor të vitit 1902, fakt ky që e bën personin më të moshuar në botë.

Arslan ka gjashtë fëmijë dhe 12 nipa e mbesa dhe thotë se jetëgjatësinë ia ka borxh gjeneve – e ëma e saj kishte jetuar 110 vjet. Ndërkaq e bija, Serap Jueksel, thotë se e ëma e saj jeton mirë fal ushqimit të shëndetshëm që përbëhet nga mjalti, buteri dhe djathi, transmeton Telegrafi.

“Buteri, mjalti dhe djathi kanë qenë gjithmonë në tryezën tonë. Dikur kam bërë jogurt, Akoma për darkë konsumon vezë të ziera”, ka thënë Jueksel duke shtuar se e ëma e saj pavarësisht që vuan nga Alzhajmeri, është vitale dhe nuk ka ndonjë ankesë tjetër.

3 padişah 12 Cumhurbaşkanı dönemine tanıklık etti!

🎂120 yaşına giren Şeker Arslan'ın yeni yaşını sürprizle kutladılar.

— Haber365 (@haber365) June 27, 2021

Arslan ka festuar ditëlindjen e rrethuar nga familjarët që ia kishin huq paksa – pasi që në vend të 119 qirinjve në torte, kishin vënë 120.

Zyrtarët lokalë duan që edhe zyrtarisht ditëlindja e saj të njihet, dhe të futet në klubin e personave të gjallë mbi 100 vjeç.

Kujtojmë që personi më i moshuar që ndonjëherë është regjistruar ka qenë francezja Jean Kalmen që jetoi 122 vjet – nga 21 shkurti 1875 e deri më 4 gusht 1997. /Telegrafi/