Policia arreston një adoleshent – dalin të tjera detaje rreth të shtënave nga të cilat mbetën tre të vdekur në Suedi

Policia suedeze ka arrestuar një adoleshent pas të shtënave fatale në qytetin Uppsala.

Autori thuhet se iku me një skuter pas sulmit në një sallon flokësh në qendër të qytetit, duke shkaktuar një kërkim.

Policia konfirmoi të mërkurën se personi i arrestuar për të shtënat është nën moshën 18 vjeç, shkruajnë mediat e huaja, përcjell Telegrafi.

Të tre viktimat ishin të moshës midis 15 dhe 20 vjeç, tha policia suedeze në një konferencë për shtyp, megjithëse shefi i policisë së rajonit Erik Åkerlund tha se identitetet e tyre nuk janë konfirmuar “100%”.

Policia po heton mundësinë që vdekjet të jenë të lidhura me krimin e bandave, raportuan mediat suedeze.

🚨 Mass Shooting | Uppsala Sweden –Apr 29

Multiple shots fired at “Shalom” salon near Vaksala Square

3 shot dead

Masked gunman fled on an electric scooter

Happened just before Valborg, Sweden’s spring festival of peace#Uppsala #apagon #Area86 #BINI #LYKN #ROSÉ #Shalom pic.twitter.com/vxzQJz5GsZ

— GlobeUpdate (@Globupdate) April 30, 2025

Një nga të vrarët në sallonin e flokëve thuhet se është i njohur për policinë, thanë mediat lokale.

Suedia ka parë një valë krimesh të bandave adoleshente në vitet e fundit, me të dyshuar të akuzuar për një sërë veprash penale nga vandalizmi deri te vrasja.

Qeveria suedeze ka propozuar legjislacion të ri që do t’i lejonte policisë të përgjonte fëmijët nën moshën 15 vjeç në një përpjekje për t’u përballur me problemin.

Qeveria ka thënë gjithashtu se dëshiron të shtrëngojë ligjet e armëve në vend.

Sulmi ndodhi në prag të festivalit të pranverës Walpurgis, kur turma të mëdha pritet të zbresin në rrugët e Uppsala-s, një qytet universitar në veri të Stokholmit. /Telegrafi/