LAJMI I FUNDIT:

Pochettino ndihet krenar me lojën dhe paraqitjen e lojtarëve, përgëzon edhe Man Cityn pas kalimit në finale

Pochettino ndihet krenar me lojën dhe paraqitjen e lojtarëve, përgëzon edhe Man Cityn pas kalimit në finale

Mauricio Pochettino ka folur pas humbjes së Paris Saint-Germain në ndeshjen kthyese ndaj Manchester Cityt dhe eliminimit nga Liga e Kampionëve në fazën gjysmëfinale.

PSG u mposht me rezultat 2-0 nga City në Etihad, ndërsa u eliminua pas rezultatit përfundimtar 4-1 nga dy ndeshjet.

Ky eliminim nuk është se ka lënë shumë shije të hidhur te trajneri i PSG-së, Pochettino, i cili ka përgëzuar skuadrën e tij për lojën e bërë.

Manchester City eliminon PSG-në, shkruan historinë duke kaluar për herë të parë në finale të Ligës së Kampionëve
Lexo po ashtu Manchester City eliminon PSG-në, shkruan historinë duke kaluar për herë të parë në finale të Ligës së Kampionëve

“Ne luajtëm ndeshjen që planifikuam të luanim. Filluam me të vërtetë mirë, duke krijuar shanse dhe duke dominuar Manchester Cityn. Kjo nuk është e lehtë. Jo shumë ekipe mund të dominojnë një ekip si Manchester City”, ka thënë fillimisht Pochettino pas ndeshjes.

“Ndonjëherë në futboll ju duhet një përqindje fati në disa periudha të lojës. Në fund, ata ishin klinikë. Ata shënuan nga një situatë ku ne po bënim presion lart, me një top të gjatë”.

“Kam nevojë të përgëzoj Manchester Cityn sepse ata po kalojnë një sezon fantastik. Pas gjashtë apo shtatë sezoneve të punës, Pep po bën mirë. Në të njëjtën kohë, ne ndihemi krenarë për lojtarët tanë dhe ekipin tonë”.

“Gjatë 180 minutave, për 40 ose 45 minuta kemi luajtur me dhjetë lojtarë. Ky është një avantazh i madh. Ky është futbolli, por ne garuam dhe ishim gjithmonë në lojë. Nuk ishte nata jonë”.

Guardiola pas fitores ndaj PSG-së: Jam krenar me kualifikimin në finale, lojtarët e merituan
Lexo po ashtu Guardiola pas fitores ndaj PSG-së: Jam krenar me kualifikimin në finale, lojtarët e merituan

Në fund, Pochettino foli edhe për mungesën e sulmuesit Kylian Mbappe.

“Ky nuk mund të jetë një justifikim. Ne jemi një ekip. Sigurisht, është pa fat që ai nuk ishte i gatshëm të ndihmonte ekipin, por kjo nuk është një justifikim. Ne nuk mund ta përdorim atë justifikim sepse performanca nga ekipi ishte i mirë”, përfundoi trajneri i PSG-së. /Telegrafi/

Në trend Sport

Më shumë

"Unë thjeshtë dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Gol fenomenal nga Xherdan Shaqiri prej gjuajtjes së lirë

Gol fenomenal nga Xherdan Shaqiri prej gjuajtjes së lirë

Përfaqësueset
Zbulohen dhe renditen 10 sulmuesit më të mirë të të gjitha kohërave, shumë befasi në listë

Zbulohen dhe renditen 10 sulmuesit më të mirë të të gjitha kohërave, shumë befasi në listë

Ndërkombëtare
Kompletohen grupet e Euro 2024 pas kualifikimit të tri kombëtareve të fundit

Kompletohen grupet e Euro 2024 pas kualifikimit të tri kombëtareve të fundit

Përfaqësueset
Philipp Lahm parashikon se kush do ta fitojë Euro 2024 - kërkon një befasi të madhe

Philipp Lahm parashikon se kush do ta fitojë Euro 2024 - kërkon një befasi të madhe

Përfaqësueset
Kalo në kategori