Jefferson Chase
Presidenti amerikan Donald Trump, me politikën e tij të ashpër e ka ringjallur debatin politik mes Moskës dhe Berlinit. Me 11 maj është zhvilluar një telefonatë mes presidentit rus Putin dhe kancelares Merkel. Ndërsa, më 15 maj do të takohen në Bruksel ministrat e jashtëm të Britanisë së Madhe, Gjermanisë dhe Francës me kolegun e tyre iranian. Më 18 maj është planifikuar të mbahet në Soçi një takim mes kancelares Merkel dhe presidentit Putin.
“Në telefonatën Merkel-Putin është theksuar rëndësia e marrëveshjes për stabilitetin rajonal dhe ndërkombëtar”, u kumtua në Kremlin. Zëdhënësi i qeverisë gjermane Steffen Seibert shpjegoi se Putin dhe Merkel duan që të ritheksojnë së bashku me Kinën, Britaninë e Madhe dhe Francën se do t’u përmbahen marrëveshjes me Iranin. Kancelarja Merkel në Munster ka theksuar rëndësinë e respektimit të marrëveshjeve ndërkombëtare. Ndërsa daljen e SHBA nga marrëveshja atomike me Iranin e kritikoi si një veprim të njëanshëm kundër rendit ndërkombëtar.
Vendimtare për marrëveshjen atomike nuk është vetëm sjellja e Europës por edhe e Kinës dhe Rusisë. Kina është importuesi më i madh i naftës nga Irani. Teherani dhe Pekini duan që në 10 vitet e ardhshme të ngrenë tregtinë në nivelin prej më shumë se 502 miliardë euro.
Rusia ka nënshkruar me Iranin në vitin 2014 një marrëveshje energjetike 5-vjeçare në vlerë prej 20 miliardë dollarë. Me këtë marrëveshje janë anashkaluar sanksionet ndaj Teheranit. Sa për krahasim: tregtia e Gjermanisë me Iranin kap shumën prej vetëm tre miliardë euro.
Në shkurt ambasadori rus në Teheran ka paralajmëruar se Rusia po kërkon së bashku me Iranin një monedhë tjetër për tregti. Rreziku më i madh për marrëveshjen atomike janë të ashtuquajturat pasoja sekondare të sanksioneve të SHBA që bëjnë tregti me Iranin. Shqetësime të këtilla kanë edhe sipërmarrjet gjermane.
Vendimi i Trumpit ka për pasojë rivendosjen e të gjitha sanksioneve të mëparshme. Por ende nuk është e qartë se me çfarë masash do të ndëshkohen sipërmarrjet që nuk e respektojnë vendimin amerikan. Teorikisht mund të preken të gjitha sipërmarrjet që njëkohësisht bëjnë tregti me SHBA dhe Iranin. Kjo vlen edhe për Airbus, koncernin francez Total, koncernet e automjeteve Volkswagen, Peugeot, Renault dhe gjigandin e teknologjisë Siemens.
Ministri i Jashtëm gjerman Heiko Maas tha se shteti gjerman e ka të pamundur t’i mbrojë sipërmarrjet gjermane që bëjnë tregti me Iranin. “Unë nuk shoh ndonjë zgjidhje të thjeshtë për mbrojtjen e koncerneve nga sanksionet amerikane”. Maas mendon se kjo çështje duhet të trajtohet me partnerët në negociata.
Ministri i Ekonomisë Peter Altmeier, i cili do të shoqërojë kancelaren Merkel në takimin javën që vjen me presidentin Putin, u ka ofruar sipërmarrjeve të prekura këshilla juridike dhe politike. Pala amerikane thotë se nuk mund të kuptojë qëndrimin gjerman, sepse eksportet gjermane në SHBA kanë arritur në vitin 2017 nivelin prej 118 miliardë dollarë, ndërsa me Iranin vetëm tre miliardë.
“SHBA është një gorillë i madh në skenën ndërkombëtare”, tha juristja amerikane për tregti, Judith Lee për rrjetin CNN. “Ne po përpiqemi të kontrollojmë jo vetëm sipërmarrjet tona por edhe ato të vendeve të tjera.”
Vendimi i Trumpit shihet në Gjermani dhe Europë si një përpjekje e Uashingtonit për të vendosur rregullat juridike dhe politike amerikane edhe jashtë vendit. Shefja e SPD Andrea Nahles e ka quajtur këtë vendim si një “goditje të madhe për raportet transatlantike”.
Gazeta “Financial Times” komenton se “8 maji do të futet në histori si një ditë kur SHBA ka pranuar se nuk u beson partnerëve të vet”. Europarlamentari me përvojën më të madhe në Parlamentin Europian, Elmar Brock tha se është thellësisht i zhgënjyer. “Ky nuk është kurrfarë partneriteti”, tha ai. Europianët, Rusia dhe Kina tani janë ata, të cilët duhet të përpiqen që të ruajnë paqen në Lindjen e Mesme”.
Pasoja e parë e vendimit të Trumpit po shihet: Kina dhe Irani po afrohen mes vete. Vetëm dy ditë pas daljes së SHBA nga marrëveshja, Kina ka hapur një linjë të re hekurudhore me Iranin. Nëse koncerni francez Total i ndërpren bizneset në Iran, koncernet kineze janë të gatshme të futen menjëherë në këtë zbrazëtirë. /DW/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
A e ka fituar Ukraina fuqinë për të degraduar forcat ruse me raketat e reja amerikane?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre