Petrol Company dërgon iftar për 72 banorët në “Shtëpinë e Pleqve” nga restorantet e saj “Be Happy”

Si çdo Ramazan edhe në këtë Ramazan Petrol Company nuk i harron banorët e shtëpisë së Pleqve në Prishtinë.

Rrjeti i restoranteve “Be Happy” i cili është brend i Petrol Company, për nder të muajit të shenjtë të Ramazanit ka përgatitur sërish iftar për 72 rezidentët në Shtëpinë e Pleqve në Prishtinë duke përfshirë edhe stafin punonjës të kësaj shtëpie.

Iftari u është përgatitur nga profesionistët e kulinarisë të “Be Happy Restaurant” dhe u është dërguar me meny të plotë.

Drejtoresha e kësaj shtëpie Raze Aliçkaj ka falënderuar Petrol Company për mbështetjen e vazhdueshme që bën për banorët e kësaj shtëpie, duke mos i harruar në asnjë Ramazan.

Ndërsa përfaqësuesit e Petrol Company shprehen që kjo është më e pakta që mund të bëjnë për këta banorë dhe ju uruan Festen e Fitër Bajramit banorëve të kësaj shtëpie si dhe të gjithë besimtarëve të besimit Islam.

Vlen të theksohet që Petrol Company , dy viteve të fundit dhuroi 8 shtëpi për nevojtarët, mijëra dhurata për festa të Bajramit, ndihmoi jetimoret, Shtëpinë e Pleqve në Prishtinë, SOS Fshatrat, Kopshtet për Fëmijë, Spitalin e Pediatrisë, dërgoi mijëra litra naftë për të gjithë ata që dërguan ndihma në Shqipëri, me rastin e tërmetit etj.