Presidenti amerikan, Donald Trump, njoftoi gjatë ditës së djeshme që është i infektuar me coronavirus, duke krijuar një dramë të jashtëzakonshme mes fushatës zgjedhore në SHBA.
Në listën e mëposhtme gjenden pesë fakte në lidhje me infeksionin e presidentit amerikan.
Ku gjendet Trump për momentin?
Presidenti i SHBA-së do të qëndrojë ditëve të ardhshme në një spital ushtarak jashtë Washington DC, për t’iu nënshtruar trajtimit për coronavirus, mirëpo që do të vazhdojë të merret me punët shtetërore.
Lajmin e konfirmoi sekretarja e shtypit Kayleigh McEnany, e cila shtoi se Trump do të punojë nga zyrat presidenciale në spitalin Walter Reed.
Menaxheri i fushatës së Presidentit, Bill Stepien, deklaroi se të gjitha ngjarjet e fushatës të njoftuara më parë do të mbaheshin virtualisht ose edhe do të shtyhen.
Cilat janë trajtimet që Trump iu është nështruar?
Mjeku i Shtëpisë së Bardhë, Sean Conley, deklaroi të premten se presidenti ishte i rraskapitur, por me humor të mirë, ndërkohë që po merrte një trajtim eksperimental kundër COVID-19.
Ai iu nënshtrua një doze të vetme nga “kokteji i antitrupave” i krijuar nga Regeneron, sipas Conley. Ky trajtim është ende duke u testuar dhe nuk u aprovua ende nga rregullatorët.
Si një burrë 74-vjeçar, Trump mund të përballet me rreziqe të mundshme, sipas agjencisë shëndetësore amerikane CDC.
Çfarë simptoma po zhvillon Trump?
Të enjten, presidenti amerikan nuk u izolua menjëherë megjithëse ndihmësja e tij e ngushtë Hope Hicks pati rezultuar pozitive.
Në vend të kësaj ai mori pjesë në një tubim për mbledhjen e fondeve në qytetin e New Jersey, ndërsa thuhej se kishte zhvilluar simptoma të lehta në eventin e së enjtes.
Një burim për The New York Times i tha gazetës se ai pati zhvilluar simptoma të ngjashme me të ftohtin.
Ndërkohë bazuar në deklaratat zyrtare raportohet se Trump kishte “simptoma të lehta”.
Si u infektua?
Ende nuk dihet se si presidenti i SHBA-së e kontraktoi coronavirusin, mirëpo, në përgjithësi ai i ka “sfiduar” këshillat mjekësore.
Ai rrallë herë është parë me maskë, e të njëjtën kohë takohej me grupe të mëdha njerëzish.
Alarmi në Shtëpinë e Bardhë vërshoi kur Hicks doli pozitive. Ajo është një figurë në rrethin e ngushtë të Trump si dhe udhëtoi me të disa herë gjatë javës së kaluar.
Kush është tjetër i infektuar në Shtëpinë e Bardhë?
Trump njoftoi se gruaja e tij Melania, gjithashtu doli pozitive me coronavirus përmes një postimi në Twitter.
Nënpresidenti Mike Pence, rezultoi negativ njashtu edhe djali i presidentit, Barron Trump.
Ivanka Trump dhe Jared Kushner, vajza dhe dhëndri i presidentit të cilët janë njëherësh këshilltarët kryesorë të Shtëpisë së Bardhë, gjithashtu rezultuan negativë si dhe Sekretari i Shtetit Mike Pomepo; Sekretari i Thesarit, Steven Mnuchin përfshirë Sekretari i Shëndetit dhe i Shërbimeve Njerëzore, Alex Azar.
Ronna Mc Daniel, kryetarja e Komitetit Kombëtar Republikan, doli pozitive ditë më parë.
Ndërkohë, lidhur me këtë rast shumë politikanë të tjerë, zyrtarë dhe oficerë ushtarakë që punojnë ose vizitojnë Shtëpinë e Bardhë u testuan të premten.
Shumë politikanë të tjerë të lartë, zyrtarë dhe oficerë ushtarakë që punojnë ose vizitojnë Shtëpinë e Bardhë po testoheshin të Premten.
Promo
Reklamo këtuLufta Prigozhin - Putin
Më shumëDemografia evropiane - cili shtet ka natalitetin më të lartë dhe ku qëndron Kosova?
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Hungaria vendos veto ndaj rezolutës së KiE - nuk mbështetet formula e paqes e Ukrainës
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë
Izraeli kryen sulm ajror në Bregun Perëndimor, të paktën një i vdekur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore