Që kur janë shpallur zgjedhjet e parakohshme parlamentare 2021, nëpër studio televizive e rrjete sociale janë prezantuar sondazhe nga më të ndryshme. E shpeshherë, rezultatet e këtyre sondazheve nuk janë pranuar nga subjektet politike, të cilat i kanë cilësuar si sondazhe të porositura.
Megjithatë, edhe përfaqësues të subjekteve politike kanë dhënë parashikimin tyre për zgjedhjet e 14 shkurtit, përcjell Telegrafi.
Lëvizja Vetëvendosje;
Kandidati për deputet nga Lëvizja Vetëvendosje, Armend Muja, ka thënë se partia e tij në këto zgjedhje do të dalë e para, duke siguruar kështu 62 ulëse në Kuvend.
“LVV 62 ulëse, komunitetet 20, Lidhja Demokratike e Kosovës 15 ulëse, Partia Demokratike e Kosovës 15 ulëse, Aleanca për Ardhmërinë e Kosovës 8 ulëse”, thotë Muja në parashikimin e tij në RTV Dukagjini.
Partia Demokratike të Kosovës;
Kandidati për deputet i Partisë Demokratike të Kosovës, Abelard Tahiri, ka dhënë parashikimin e tij sa i përket zgjedhjeve të 14 shkurtit.
Sipas Tahirit, PDK në këto zgjedhje do të dalë e para, me 32 ulëse në Kuvend.
“Partia Demokratike e Kosovës 32 ulëse, Lëvizja Vetëvendosje 28 ulëse, Lidhja Demokratike e Kosovës 24 ulëse, Aleanca për Ardhmërinë e Kosovës 8 ulëse”, ka pohuar Tahiri.
Lidhja Demokratike të Kosovës;
Kandidati për deputet i Lidhjes Demokratike të Kosovës, Agim Veliu, ka pohuar së partia e tij do të dalë fituese në zgjedhjet e 14 shkurtit, duke siguruar 31 ulëse në Kuvend.
“Lidhja Demokratike e Kosovës 31 ulëse, Lëvizja Vetëvendosje 27, Partia Demokratike e Kosovës 25, komunitetet 20, Aleanca për Ardhmërinë e Kosovës 10, Nisma Socialdemokrate 7”, ka deklaruar Veliu.
Aleanca për Ardhmërinë e Kosovës;
Kandidati për deputet nga radhët e Aleancës për Ardhmërinë e Kosovës, Dardan Islami, ka dhënë parashikimin e tij për zgjedhjet e 14 shkurtit.
Sipas Islamit, LVV do të jetë partia e parë, pastaj LDK, transmeton Telegrafi.
“Lëvizja Vetëvendosje 44, Lidhja Demokratike e Kosovës 21, komunitetet 20, Partia Demokratike e Kosovës 20, Aleanca për Ardhmërinë e Kosovës 15”, është shprehur ai.
Nisma Socialdemokrate;
Kandidati për deputet nga Nisma Socialdemokrate, Bilall Sherifi, ka dhënë parashikimin e tij për zgjedhjet e së dielës, duke pohuar se LVV do të sigurojë 44 ulëse.
“Nisma Socialdemokrate 7 ulëse, Lëvizja Vetëvendosje 44 ulëse, komunitetet 20, Lidhja Demokratike e Kosovës 20, Partia Demokratike e Kosovës 20, Aleanca për Ardhmërinë e Kosovës 9”, ka potencuar ai.
Zgjedhjet e parakohshme parlamentarë do të mbahen më 14 shkurt, ku në garë për kryeministër janë katër kandidatë: Albin Kurti (LVV), Enver Hoxhaj (PDK), Avdullah Hoti (LDK), Fatmir Limaj ( Nisma Socialdemokrate).
Ndërkohë, Komisioni Qendror i Zgjedhjeve ( KQZ) është duke bërë përgatitjet finale për mbarëvajtjen e zgjedhjeve parlamentare, më 14 shkurt.
Zëdhënësi i KQZ-së, Valmir Elezi tha për Telegrafin se kanë arritur fletëvotimet, dhe të shtunën do të shpërndahen në depot e Komisioneve Komunale të Zgjedhjeve.
“Mund t’iu konfirmoj se fletëvotimet kanë arritur në Kosovë. Të shtunën do të shpërndahen në depot e Komisioneve Komunale të Zgjedhjeve, ndërsa të dielën në mëngjes për në 888 qendra të votimit të cilat kanë gjithsej 2 mijë e 382 vendvotimet”, theksoi Elezi.
Në Listën Përfundimtare të Votuesve, votues me të drejtë vote për këto zgjedhje janë 1 milion 794 mijë e 862 votues, ndërsa janë shtypur 1 milion e 617 mijë e 200 fletëvotime përfshirë fletëvotimet rezervë.
Sot (12 shkurt) është afati i fundit që të mbërrijnë votat nga diaspora, po ashtu sot përfundon edhe fushata zgjedhore e subjekteve politike. /Telegrafi/
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus
UP-ja pezullon nga puna profesorin Xhevat Krasniqi që dyshohet për ngacmim seksual
Nënat e Srebrenicës falënderojnë presidenten Osmani: Një fjalim i tillë do të mbahet mend ndër breza
Haradinaj kërkon dorëheqjen e Qeverisë Kurti, pas publikimit të raportit nga DASH
Raporti i DASh-it, opozita e vlerëson shqetësues, pushteti mohon ndërhyrjet në sistem të drejtësisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj