Priftërinjtë janë të përjashtuar nga shërbimi ushtarak në Gjeorgji. Liberalët vendas po e përdorin tani këtë fakt për të ngulur këmbë për reformimin e ushtrisë.
Nika Oboladze është 26 vjeç dhe prej dy muajsh është prift. Dhe, sa herë që e thotë këtë gjë, atij i vjen për të qeshur.
Nika Oboladze është zëdhënës i Partisë Liberale Girchi, një fraksion i partisë liberale Lëvizja e Bashkuar Kombëtare (UNM). Në fund të marsit ai dhe shokët e tij kanë krijuar një kishë dhe kanë emëruar veten si peshkopë, kryepeshkopë dhe priftërinj. Kisha e tyre quhet “Kisha Gjeorgjiano-Kristiano-Protestanto-Ungjillore e Lirisë Biblike” dhe po shndërrohet në një strehë shpëtimi për të rinjtë gjeorgjianë që duan të shmangin legalisht shërbimin e detyruar ushtarak.
Sfondi i këtij veprimi nuk është pacifizmi.
“Shumica e gjeorgjianëve duan të shkojnë në ushtri. Por, ata ndjehen të shpërdorur”, shpjegon Oboladze.
Një ndër katër rekrutë ngarkohet të shërbejë si roje objektesh ose truproje.
“Një vit të tërë ata qëndrojnë para dyerve të Ministrive, shoqërojnë politikanë apo punojnë në ndërtim dhe marrin 20 euro në muaj pagesë”, ankohet ai. “Dhe, e shumta gjatë gjithë kësaj kohe ata shkrepin dhjetë fishekë.”
Shumë gjeorgjianëve nuk u pëlqen që ushtarët nuk stërviten dhe shkollohen si duhet. Atyre u kujtohen mirë ngjarjet e vitit 2008 kur tanket ruse hynë deri afër Tbilisit për shkak të luftës me provincën separatiste të Osetisë së Jugut. Edhe ndaj fqinjëve Turqisë, Azerbajxhanit dhe Armenisë, ku Rusia ka një bazë ushtarake, ata kanë ndjenja të përziera.
Sjellja arbitrare ndaj ushtarëve lidhet me periudhën sovjetike, kur oficerët e lartë i vinin ushtarët të ndërtonin shtëpitë e tyre private. Protestat e dikurshme kundër kësaj praktike të njohur kaluan pa u vënë shumë re për shkak të nepotizmit. Por, kjo praktikë vazhdon dhe Girchi dëshiron ta ndryshojë këtë. Prandaj, u ka shpërndarë 500 burrave certifikatën e priftit – dhe me këtë edhe mundësinë për t’ju shmangur shërbimit ushtarak.
Në Gjeorgji ekziston shërbimi ushtarak njëvjeçar i detyrueshëm për të rinjtë nga mosha 18 deri 27-vjeçare. Nga ky rregull përjashtohen baballarët e fëmijëve të vegjël, studentët dhe klerikët. Familjet e pasura paguajnë disa mijëra euro dhe Ministria e Mbrojtjes i liron nga detyrimi i shërbimit ushtarak. Por, me të ardhura mesatare prej 250 euro një muaj, këtë gjë nuk mund të përballojnë shumë gjeorgjianë.
Partia Girchi kërkon një shërbim ushtarak prej tre muajsh me trajnim dhe stërvitje ushtarake me cilësi të lartë dhe me pagesë të arsyeshme për të gjithë.
“Me rezervistë të trajnuar keq, ne nuk mund të bëjmë asgjë në rast nevoje,” thotë Oboladze. “Ushtria e Gjeorgjisë ka nevojë për një reformë.”
Ndërkohë ka mjaft organizata, si Qendra Liberale për Përfshirje Civile (CCI), që e përkrahin këtë nismë. Drejtori i saj, Lasha Giorgadze, thotë se ideja e tij është një ushtri e ngjashme me atë të Izraelit, pra “e pajisur mirë, me rezervistë të trajnuar, e hapur edhe për gratë dhe me mundësi për shërbim ushtarak alternativ.”
Deri tani Parlamenti dhe Qeveria nuk janë shprehur zyrtarisht për kërkesat për reformimin e ushtrisë. Në maj kryetari i Komisionit për Mbrojtjen dhe Sigurinë, Irakli Sesiashvili, tha se po punohet për një projektligj.
Derisa ky ligj të miratohet dhe të nisin reformat, Girchi, do të vazhdojë me aksione spektakolare. /DW/
Promo
Reklamo këtuLufta Prigozhin - Putin
Më shumëNga Rubrika
Protestat pro-palestineze shtojnë presionin mbi Bidenin
Palestinezët festojnë “pranimin e marrëveshjes” nga Hamasi, ndërsa izraelitët protestojnë për kthimin e pengjeve
Erdogan u bën thirrje vendeve perëndimore të rrisin presionin ndaj Izraelit për pranimin e marrëveshjes
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Protestat pro-palestineze shtojnë presionin mbi Bidenin
Droni ukrainas hedhë në erë anijen ruse në Krime, pamje nga aksioni
Erdogan u bën thirrje vendeve perëndimore të rrisin presionin ndaj Izraelit për pranimin e marrëveshjes
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'