Kompania amerikane e listuar në bursën publike në Londër, Contour Global ka ndërprerë planet për ndërtimin e termocentralit 500 megavatësh “Kosova e Re”. Përveç tjerash, kompania ka deklaruar se nuk do të investojë më në projekte qymyri në botë.
Sipas planifikimeve, “Kosova e Re” do të prodhonte rrymë për të mbuluar gjysmën e kërkesës për energji elektrike në Kosovë, vend ky që tani më përballet me mungesë të dukshme të energjisë, shkruan Reuters, përcjell Telegrafi.
“Ne nuk do të ndërtojmë ose përvetësojmë termocentrale nga qymyri në të ardhmën”, tha Contour Global në një njoftim për medie.
Muajin e kaluar, pas më shumë se katër muaj nga mbajtja e zgjedhjeve të përgjithshme, kosovarët arritën të krijojnë qeverinë e re.
“Si rezultat i gjendjes politike në Kosovë… për projektin është e pamundur të arrijë rezultate para datës së përfundimit të projektit”, njofton kompania.
Në muajin dhjetor të 2017-së, pas një procesi të gjatë të planifikimit dhe studimit të lehtësuar nga Banka Botërore, Kosova ka nënshkruar marrëveshjen me kompaninë amerikane Contour Global, për ndërtimin e termocentralit të ri “Kosova e Re”.
Contour Global që operon në më shumë se 100 termocentrale në Evropë, Amerikë Latine dhe Afrikë, vetëm për vitin që po lëmë pas ka raportuar një rritje prej 15.2 për qind.
Marrëveshja për ndërtimin e termocentralit të ri parashikonte një investim prej 1.3 miliard eurosh.
Termocentrali “Kosova e Re”, pritej të zëvendësonte njësitë shumë të vjetra prodhuese në KEK, duke ndikuar kështu në zvogëlimin e ndotjes deri në 93 për qind.
Përveç tjerash, termocentral i ri do të mbulonte kërkesën në rritje për energji elektrike në Kosovë, duke siguruar furnizim të qëndrueshëm me energji elektrike.
Kosova ndër vendet më të pasura me linjit në Evropë, nuk ka arritur të zhvillojë kapacitete të mjaftueshme të prodhimit të energjisë elektrike.
Si rrjedhojë, raporte sugjerojnë se vetëm bizneset në Kosovë humbin mbi 300 milionë euro në vit, si pasojë e mungesës së energjisë elektrike. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
EBC Cosmetics vjen me zbritjen më të madhe vjetore
Karnavali Golden Eagle bashkon artistët më të mirë shqiptarë
Biznesi po merr teposhtën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë