Seanca e sotme plenare filloi më kërkesën deputeti të PS-së Erion Braçe, i cili kërkoi një interpelancë me ministrin e Bujqësisë Niko Peleshi. Braçe paraqiti dy kontrata të firmosura nga Edmond Panariti ish-ministri i Bujqësisë, me të afërm të Klemend Balilit, i akuzuar për trafik ndërkombëtar droge kishin përfituar tokë bujqësore dhe para nga shteti. Ishte deputeti Braçe dhe deputeti Taulant Balla të cilët e konsideruan LSI-në, si partia e Balilajve duke kërkuar përgjigje nga Edmond Panariti.
Ndërsa LSI heshti përballë këtyre akuzave, në foltoren e kuvendit ka folur Edmond Spaho dhe ai ka mbrojtur LSI-në duke e hedhur poshtë akuzat e socialistëve për ish-aleatët e tyre. Sipas Spahos, Balili është mbrojtur nga socialistët. Spaho akuzoi vetë Ramën si njeriun që e bëri drejtor të Ministrisë së Transporteve, Klemend Balilin duke e fajësuar për mosarrestimin e tij. Sigurisht nuk mund të mungonte edhe Berisha këtë të enjte, i cili ka sulmuar vetëlavdërimet dhe mburrjet e ministrave mbi situatën e përmbytjeve. Ish-kryeministri kërkoi të mos bëhet politikë dhe marketing me situatën e vështirë që kaluan qindra familje të përmbytura.
“Olta ndejti 48 orë pa gjumë, sikur të jemi ne këtu monitori i gjumit të Oltës, ç’i keni këto, mos i sillni në parlament këto, diskutojini atje në kabinetin e qeverisë, mos na i sillni këtu” – tha Berisha. Nderkohë, kryeministri Edi Rama i është përgjigjur akuzave të Berishës dhe opozitës për përmbytjet dhe dëmshpërblimet për të përmbyturit. Rama i ka kujtuar opozitës sërish rezervat e shtetit të lëna bosh, një akuzë e thënë edhe më parë nga maxhoranca kur sapo pati marrë pushtetin. “Vini flisni këtu për ndihma ju ikët nga pushteti pasi hëngrët të gjitha groshët dhe orizin e rezervave të shtetit e bëtë pilaf për vete. Morët dhe çizmet. Po çizmet çi deshët? Rezervat e shtetit trokë tani thoni çne këto ndihma.” – tha Rama nga foltorja e Kuvendit.
Në një moment Rama i është drejtuar me epitetin “llazore” Berishës dhe kaq ka mjaftuar që të ngrihet nga vendi i tij deputeti i PD-së, Flamur Noka, drejt foltores ku po fliste Rama. Për të ndaluar përplasjen mes Ramës dhe Nokës ka ndërhyrë garda, ndërkohë Ramës i ka humbur durimi dhe është shprehur “nga ka dalë ky mo, nga pylli? Sali, tërhiqeni në strofull këtë”. Pa mikrofon, Noka i ka kthyer përgjigje aty-për aty Ramës me frazën “Nga pylli i sat ëme”, si dhe dhe me epitetet “drogaxhi dhe “rrugaç”. Ishin pikërisht përdorimi i këtyre fjalëve të cilat përjashtuan deputetin Noka nga punimet e Kuvendit sot.
Pas përjashtimit të Nokës seanca plenare ka vazhduar me diskutimet dhe në foltore është ngritur sërish ish-kryeministri Berisha. Berisha në fjalën e tij i është rikthyer edhe njëherë debatit për Saimir Tahirin. Ai ka hedhur akuza të forta, pasi tha se Rama ka pasur dijeni për Tahirin. Po ashtu Berisha ka përmendur dhe Balilin dhe deklaroi se ai ka dërguar politikanëve video me orgji nga hoteli i tij.
“A tha ky njeri që nuk kishte dijeni për Tahirin. SHIK-u, i ka dërguar raportorin me 180 policë të inkriminuar. A tha Saimir Tahiri, hapni videot e ditëlindjes dhe shikoni se si kërcen Sota si krushk i parë. Në makinë me Sotën ka qenë Saimir Tahiri. A e morët vesh që ka çuar Don Agacion për të nxjerr dokument të falsifikuar. Dilni flisni për Balilin. Ai u ka qëlluar me grushte të gjithëve, videon e Ogjive Balili ua ka dorëzuar të gjithëve”, – tha Berisha.
Nga ana tjetër, akuzave të Partisë Socialiste se PD përdori qindra mijëra euro nga parajsat fiskale për të lobuar në Shtetet e Bashkuara, Sali Berisha iu përgjigj në parlament me shembullin e Abi Bank, ku pjesë e bordit është Linda Rama, bashkëshortja e kryeministrit. Sipas Berishës, fitimet e Abi Bank nuk janë rastësi, ndërkohë që bankat e tjera po falimentojnë.
“Mund ta coje ti gruan atje? Si mund ta çoje ti gruan atje? Nuk mund ta çoje ti gruan anëtare të bordit të bankës, se është banka jote, bankë e regjistruar në offshore. Në offshore, banka që ka miliarda. Duhet bërë transparenca plotësisht për një kontratë, por me atë ti përpiqesh ta mbulosh bankën, ku je aq i zhytur, sa asgjë nuk të mbron dot” – u shpreh Berisha.
Në replikë, kryeministri zgjodhi t’i shmanget debatit me Berishën, duke bërë moral për mospërmendjen e familjarëve në debatin politik.
Po ashtu, një çështje tjetër e nxehtë u bë edhe paratë e Lobingut të PD-së në SHBA. Ndonëse Partia Demokratike njoftoi se Lulzim Basha ndodhet në Londër me ftesë të Partisë Konservatore Britanike të Kryeministres Theresa May. Sipas PD-së, deputeti i PS-së Taulant Balla hodhi dyshime se Lulzim Basha ka devijuar për në Edinburg në Skoci.
“Basha është në Edinburg, në vendin ku është bërë pagesa e 675 mijë dollarëve. Në Edinburg, në vendin ku kompania që pagoi 675 mijë euro për lobim në SHBA, ka rezidencën e vet. Pse iku Lulzimi në Edinburg? KQZ thotë që këto pagesa nuk rezultojnë të paguara. Ku është lulzimi? PD ka paguar në total 875 dollarë lobingun, se lobing kanë bërë të gjithë ku 20 ku 10 mijë, por 875 mijë nga të cilat 675 janë paguar nga një kompani guackë në Edinburg, atje ku është Basha sot. I rrëshqiti Berisha sot, por përmendi offshore. PD duhet të bëjë transparencë për këtë transaksion që ka nissur hetimet edhe në SHBA” – tha Taulant Balla.
Deklaratave të Ballës iu përgjigj menjëherë Edi Paloka, i cili u shpreh se janë përgënjeshtruar ato që thotë Balla.
“Kam këtu ftesën e partive konservatore. Basha është në konferencën e partive konservatore në Londër. Jo se nuk e dini sa ordiner është zotëria, por përpiqen të hedhin shashka dhe bomba tymuese për të mbuluar 20 milion eurot e Habilajve”, tha deputeti i PD-së.
Lufta Prigozhin - Putin
Më shumëNga Rubrika
Pogradecari nuk i ikën dot ‘zakonit të vjetër’, përfiton nga amnistia por rikthehet përsëri në burg pasi kreu një vjedhje
Zhduket një grua në Vushtrri
Sulm fizik e me mjete të forta, në vendngjarje gjenden edhe gëzhoja – arrestohen pesë persona në Prishtinë
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre