Në foto: Adnan Mustafa
Prodekani dhe profesori i Fakultetit të Mjekësisë, Kreshnik Hoti, në profilin e tij në Facebook njofton për pranimin e Katedrës së Praktikës së Farmacisë dhe Kujdesit Farmaceutik në Asociacionin Evropian të Kujdesit Farmaceutik.
Hoti ishte duke u bërë gati për prezantimin në këtë institucion të rëndësishëm, kur merr vesh se ka ndërruar jetë kolegu i tij, Adnan Mustafa, me të cilin kishin punuar në realizimin e këtij synimi.
“Adnani, miku dhe mentori im i Farmacisë, ka dhënë kontribut sa askush tjetër në Kosovë në lëmin e Praktikës së Farmacisë dhe Kujdesit Farmaceutik. Prandaj, ky sukses modest, dhe kjo njohje ndërkombëtare e fushës farmaceutike për të cilën Adnani profesionalisht punoi aq shumë, i dedikohet pikërisht atij”, ka shkruar Hoti në profilin e tij në Facebook.
Postimin e tij mund ta lexoni të plotë më poshtë.
“Për mikun tim, Adnan Mustafa
Sot, në Bled të Sllovenisë, pata nderin që të prezantoj Degën e Farmacisë, përkatësisht Katedrën e Praktikës së Farmacisë dhe Kujdesit Farmaceutik para Asamblesë së Përgjithshme të Asociacionit Evropian të Kujdesit Farmaceutik.
Me këtë rast, prezantova zhvillimet e fundit në edukimin e studentëve tonë në këtë lëmi si dhe aktivitetet, kapacitetet dhe planet për hulumtime shkencore në këtë fushë.
Pas prezantimit, Asambleja vendosi unanimisht pranimin e Katedrës tonë në këtë institucion të rëndësishëm Evropian të lëmit të Kujdesit Farmaceutik, ku jo të gjitha shtetet evropiane kanë arritur të anëtarësohen.
Ky anëtarësim do të lehtësojë dhe stimulojë punën kërkimore të farmacistëve kosovarë si dhe bashkëpunimin e doktorantëve të ardhshëm të këtij lëmi me kolegët e tyre nëpër Evropë.
Përpjekjen për anëtarësim në këtë Asociacion e kisha diskutuar me Adnan Mustafën para ca kohe, por isha skeptik nëse kjo do të arrihet. Ndërsa, Adnani përgjigjej si gjithmonë me optimizëm: ‘Mos u mërzit se kan me na pranue’. Me padurim kemi pritur konfirmimin e anëtarësimit në këtë asociacion prestigjioz.
Adnani, miku dhe mentori im i Farmacisë, ka dhënë kontribut sa askush tjetër në Kosovë në lëmin e Praktikës së Farmacisë dhe Kujdesit Farmaceutik. Prandaj, ky sukses modest, dhe kjo njohje ndërkombëtare e fushës farmaceutike për të cilën Adnani profesionalisht punoi aq shumë, i dedikohet pikërisht atij! U prefsh në paqe miku im!”, ka shkruar Hoti. /Telegrafi/
Promo
Reklamo këtuLufta Prigozhin - Putin
Më shumëGazetarja e RTK-së sulmohet nga qentë endacakë në Prishtinë
Çka deklaroi para trupit gjykues serbi i akuzuar për vrasjen e Oliver Ivanoviqit
Abdixhiku-Kurtit: Jep dorëheqje, cakto datën e zgjedhjeve - LDK do ta caktojë festën
Bislimi jep detaje për takimin në Bruksel: Propozimet e Serbisë ishin për legalizimin e strukturave paralele
QUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Një pishinë e brendshme 1600-vjeçare, e para e këtij lloji zbulohet në Shqipëri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3