Ndonëse kontributi i tij për çështjen shqiptare në Kosovë ka qenë i madh, veçanërisht në arsimin në gjuhën shqipe – në momente shumë të vështira për Kosovën – institucionet e sotme nuk ia japin hakun që i takon. Ish-profesori i historisë në Gjimnazin “Bedri Pejani” në Pejë thotë se rrezikon që pensioni i tij të jetë më i ulët se i kolegëve, meqë diploma e tij nuk po pranohet si valide.
Halil Berisha ka pak ditë që ka dalë në pension. Pasi ka dorëzuar dokumentacionin përkatës, atij i është thënë se diplomën nuk e ka të vlefshme, sepse i takon periudhës kur në Kosovë ka funksionuar sistemi paralel (vitet e ‘90-ta të shekullit të kaluar).
“Nuk mund ta kuptoj këtë. Qeveria e Kosovës angazhohet në dialog, me Serbinë, që të njihen diplomat e njëra-tjetrës, e në anën tjetër nuk i njohin diplomat e shtetit të vet”, ka theksuar ai për Telegrafin.
Diploma e Halil Berishës
Berisha thotë se provimet dhe ligjëratat në Fakultetin e Historisë i ka kryer gjatë viteve 1974-1979, porse nuk kishte diplomuar atë kohë. Ai e përfundon shërbimin ushtarak, ndërsa më 1981 merr pjesë në demonstratat e rinisë studentore për çka burgoset e dënohet me katër vjet burg.
Licenca e mësimdhënësit
“Kur jam liruar nga burgu, në vitin 1986, trajtohesha si irredentist. Pra, për mua ishin të mbyllura dyert e sistemit komunist. Madje, ma kanë mohuar të drejtën për të marrë diplomën. Kështu, e hapa një dyqan të vogël tregtar për të mbijetuar. Kështu kam vazhduar deri më 1990, pasi më 1991 u kyça në mësimdhënie – në Gjimnazin ‘Bedri Pejani’ – që t’ju ndihmoja kolegëve të sistemit të atëhershëm paralel të shtetit të Kosovës, nga i cili më 1994 u pajisa me diplomë si profesor i Historisë”, ka theksuar ai.
Halil Berisha, me një grup të të burgosurve politikë më 1981
Berisha në ato vite e kishte lëshuar edhe shtëpinë e tij për nxënësit e dëbuar nga shkollat, për çka nuk pendohet, por thotë se ndihet keq se ia kanë harruar edhe këtë kontribut.
“Pas përfundimit të luftës, më 1999 iu riktheva procesit mësimor në Gjimnazin e Pejës, ku kam punuar deri në pensionim. Tash, kohën gjatë së cilës kam qenë në burg ma kanë llogaritur si përvojë pune e madje edhe koha kur jam marrë me tregti”, thotë ai. “Por, Qendra për Sigurim Pensional nuk po ma pranon diplomës së Fakultetit. Më thanë ta sjell atë të shkollës së mesme që do të jetë baza për pensionimin tim. Kjo është e pakuptueshme. Si është e mundur të punoja për 25 vite si mësimdhënës në Gjimnaz, e tash diploma e profesorit të jetë jovalide”, ka theksuar Berisha.
Profesori i pensionuar ndihet keq se si kolegët e tij heshtin e nuk e mbështesin. Ndërkaq, shton se nuk kërkon asgjë më shumë, pos të drejtën dhe mirënjohjen që i takon. /Telegrafi/
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Osmani organizoi pritje për përfaqësues të vendeve partnere të Kosovës pas takimit të Këshillit të Sigurimit të OKB-së
Momenti kur Osmani i thotë Vuçiqit "Shihi në sy dhe kërkoju falje katër viktimave të krimeve serbe"
Momenti kur vetura “fluturon” në Veternik dhe përplaset në një pompë derivatesh
Kryesuesja në KS të OKB-së përplaset ashpër me Vuçiqin për minutat e fjalimit
Dështimi i procesit të votimit në veri, BE-ja nuk jep afat kur do të hiqen masat ndaj Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj