Pedro do të largohet si futbollist i lirë nga Chelsea, sa shumë skuadra pas spanjollit

Pas pesë viteve qëndrim në Stamford Bridges te Chelsea, Pedro Rodriguez do të largohet këtë verë.

Sulmuesit spanjoll i përfundon kontrata me londinezët dhe Chelsea nuk i ka ofruar rinovimin e saj.

Por për reprezentuesin spanjoll nuk mungojnë ofertat, pasi shumë skuadra kanë kontaktuar agjentin e tij.

E ardhmja e tij është mes tre kampionateve, Ligën Premier ku kërkohet nga West Ham United dhe Newcastle.

Ndërkohë më i mundshëm duket transferimi në Serie A, pasi skuadra të mëdha si Roma, Napoli, Milan, Lazio dhe Fiorentina kanë shprehur interesim.

Ekziston një mundësi që Pedro të rikthehet edhe te Barcelona ku kaloi shtatë vite tek skuadra e vendlindjes së tij.

Gjithsesi për lojtarin në La Liga opsione të mira janë edhe tri skuadrat tjera si Valencia, Villareal dhe Sevilla që gjithashtu kanë shprehur interesim.

32-vjeçari këtë edicion nuk është preferuar shumë nga trajneri i Chelseat, Frank Lampard dhe është paraqitur vetëm në 18 ndeshje në të gjitha garat, kryesisht duke u inkuadruar nga banka rezervë. /Telegrafi/