LAJMI I FUNDIT:

Pasuria e vogël e deputetit të PSD-së, Dardan Molliqaj (Foto)

Pasuria e vogël e deputetit të PSD-së, Dardan Molliqaj (Foto)

Deputeti i Partisë Socialdemokrate, Dardan Molliqaj ka deklaruar në Agjencionin Kundër Korrupsion, pasurinë që ai posedon.

Në deklarimin e tij Molliqaj ka treguar se ka një shtëpi 250 metra katror që kap vlerën e 60 mijë eurove dhe tokë 45 ari që kapin vlerën e 45 mijë eurove, të dyja këto në pronësi të prindit të tij.

Përkundër kësaj, Dardan Molliqaj ka treguar se aktualisht jeton me qera në lagjen “Mati1” në Prishtinë.

Molliqaj ka treguar se posedon një veturë të tipit Alfa Romeo në vlerë prej 4 mijë euro, të cilën e ka blerë nga kursimet e pagës.

Deputeti i PSD-së në deklarimin e tij ka bërë të ditur se posedon para të gatshme në vlerë prej 3 mijë e 529 euro në bankën “TEB”.

Paga vjetore e deputeti Molliqaj nga Kuvendi i Kosovës është 7 mijë e 490 euro Neto. /Telegrafi/