Një stjuardesë nga Japonia është bërë hit në internet pasi i kishte “dalë në ndihmë” një pasagjeri, që i kishte kërkuar një ulëse afër dritares – të cilit i vizatoi në një fletë të bardhë një dritare.

Gjatë një vizite në Japoni, pasagjeri i pakënaqur vazhdimisht kërkonte një vend të lirë afër dritares. Dhe kur stjuardesa e pyeti nëse dëshiron diçka të pi, ai vazhdoi t’ia bëjë me dije se e gjitha çfarë kërkon është një vend i lirë afër dritares, transmeton Telegrafi.

Duke parë se ai assesi nuk hiqte dorë nga kërkesa e tij, ajo vendosi t’ia “plotësojë” duke i vendosur afër fytyrës një letër të bardhë në të cilën kishte vizatuar një dritare.

Kjo fotografi ka përfunduar në Twitter dhe ka shkaktuar reagime të ashpra. Disa e kanë cilësuar veprimin e stjuardesës “spektakolar dhe gjenial”, derisa disa tjerë nuk mund të besonin që ajo vërtetë kishte bërë një gjë të tillë që për ata ishte e pakuptimtë dhe aspak qesharake. /Telegrafi/