Pas rastit të 11-vjeçares së dhunuar, Getinjo i bën thirrje publike Albin Kurtit: Hapi shtëpitë publike

Së fundmi, mbarë Kosova është tronditur nga rasti i paprecedentë i përdhunimit të një 11-vjeçareje nga pesë persona.

Lidhur me reagime të shumta që vijnë nga figurat publike, shoqëria civile e të tjera, indiferent nuk po qëndrojnë as artistët nga estrada.

Së fundmi, reperi Getinjo përmes një shkrimi të publikuar në InstaStory, shprehur indinjatën e tij lidhur me këtë rast – por më tepër mbi ata që komentojnë dhe “arsyetojnë” veprën makabre në fjalë.

Lexo po ashtu Reagoi për 11-vjeçaren por jo edhe për rastet kur kolegët e saj nga estrada u akuzuan për dhunim - Dafina Zeqiri iu përgjigjet kritikuesve

“O njerëz të dashur! Leni bre komentet dhe postimet e tipit ‘Kqyre qysh vishet, kqyre qysh lyhet e sene-rende’, o jarana, o shoqëri, nuk janë këto arsye – palidhje po i shkruani. Përdhunimi është i paarsyeshëm, pikë! Mos ju rastistë kurrë në familje se keni për ta parë dhe ndjerë vet. Ruaje fëmijën, ruaje veten, po më së shumti ruaje nderin”, ka shkruar në InstaStory reperi i hitit “Lavire”.

Tutje, ai ka bërë edhe një postim të radhës, ku mes të tjerash ka pasur një thirrje për Kryeministrin e vendit, Albin Kurtin.

Ai ka bërë kërkesë që të hapen shtëpitë publike në Kosovë, pasi sipas tij vetëm në këtë mënyrë do të ndalen këto fenomene negative të keqtrajtimit seksual.

“Albin Kurti, ndoshta dukuria negative ‘dhunim’ nuk ndalet përgjithmonë, por i sigurt jam që do të rraohet esktrem. Lejo shtëpinë publike, njerëzit që kanë probleme seksuale paguajnë dhe shkojnë shfryhen! Të kërkoj falje që të bëra tak (etiketim), por kryeministër të kam”, ka shkruar reperi, emri i vërtetë i të cilit është getoar Aliu.

Kujtojmë që lidhur me ngjarjen famëkeqe tyë përdhunimit të 11-vjeçares ka pasur edhe ngha emra therë të njohur të estradës si: Dafina Zeqiri, Enca Haxhia, Tuna Sejdi e të tjerë. /Telegrafi/