Pas një pauze disa mujore, shqyrtimi gjyqësor ndaj dy të akuzuarve për vrasjen e Marigona Osmanit, pritet të nisë nga muaji tjetër.
Raportin e ekspertizës psikiatrike, me atë të së cilës vërtetohet se Krivaqa, i akuzuari kryesore për dhunimin e vrasjen e 18 vjeçares, kishte qenë në rregull dhe nuk kishte asnjë problem mendor, e ka pranuar edhe Gjykata.
Nga shoqëria civile thonë se kjo praktikë e realizimit të ekspertizave psikiatrike nuk duhet të keqpërdoret.
Ka rreth pesë muaj që gjykimi për vrasjen makabre të Marigona Osmanit është ndërprerë.
Procesi, pas gjithë kësaj kohe pritet të nisë në fillim të muajit të ardhshëm. Kjo vonesë disa mujore, u shkaktua për arsye të ekzaminimit psikiatrik, që iu bë të akuzuarit kryesore për këtë vrasje, Dardan Krivaqës.
Raporti, i realizuar në Institutin e Psikiatrisë Forenzike, sipas të cilit gjendja mendore e psikike e të pandehurit ka qenë në rregull, do të prezantohet edhe në seancat e ardhshme që pritet të mbahen në Gjykatën Themelore të Ferizajt, pasi që tashmë zyra e gjyqtarit të çështjes e ka pranuar këtë raport.
“Ju njoftoj se seanca gjyqësore ndaj të dyshuarve të lartcekur është caktuar më datë 1 qershor 2023, me fillim në ora 10:00, e cila do të mbahet në objektin e Gjykatës Themelore në Ferizaj. Ndërkaq, sa i përket përgjigjeve shtesë, ju njoftoj se raporti i ekspertizes për rastin në fjalë është pranuar në zyren e gjyqtarit të çështjes dhe shqyrtimi gjyqësor është në fazën e paraqitjes së provave material dhe si e tillë çdo përgjigje tjeter rrethë kësaj çështje varet nga rrjedha e shqyrtimeve në vazhdim”, njofton Gjykata Themelore në Ferizaj.
Avokati i Krivaqës, ka thënë se nuk mund të prononcohet për media, pasi që i njëjti nuk ka autorizim, sepse është i caktuar vetëm sipas detyrës zyrtare, derisa realizimin e kësaj ekseprtize që nga fillimi e kishin kundërshtuar familjarët e viktimës.
Ata kishin deklaruar se gjykata nuk do duhej të aprovonte një gjë të tillë, pasi që sipas tyre kjo po bëhej vetëm për tu shfajësuar i njëjti.
Nga Instituti i Kosovës për Drejtësi, thonë se para se të aprovohet një gjë e tillë, duhet të bëhet vlerësimi nëse një provë e tillë është relevante, dhe se trupi gjykues asesi nuk duhet të lejojë të keqpërdoret një e drejtë e tillë.
Gzim Shala, hulumtues nga IKD ka thënë se “Kodi Penal i Republikës së Kosovës, ka përcaktuar se nëse në kohën e kryerjes së veprës penale personi ka qenë në përgjegjësi esencialisht të zvogëluar, ai është penalisht përgjegjës, mirëpo dënimi ndaj tij, do të zbutet. Për këtë arsye, në secilin rast mbrojtja mund të pretendoj se një person i caktuar në momentin e kryerjes së veprës penale, ka qenë me përgjegjësi esencialisht të zvogëluar, apo pa përgjegjësi fare, dhe për këtë në secilin rast duhet të vlerësohet nëse një provë e tillë është relevante apo jo”.
Përvec Dardan Krivaqës, për dhunimin deri në vdekje të 18 vjecares nga Ferizaj, në gusht të vitit 2021, është edhe shoku i tij, Arbër Sejdiu.
Edhe në të kaluarën në rastet e vrasjeve të grave, avokatët mbrojtës kishin kërkuar ekzaminim psikiatrik, për të pandehurit.
Promo
Reklamo këtuLufta Prigozhin - Putin
Më shumëArratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare
Serwer ngre pikëpyetje: Çfarë duhet bërë me Asociacionin?
Kryeprokurori special flet për rastin e Enver Sekiraqes
“Hundët t’i thej”, çka tregon audio-incizimi mes kryetarit të Gjykatës së Gjilanit dhe administratores
“Kam kaluar njerëz kontrabandë në Itali”, rrëfimi i skafistit të Vlorës: Kur nisi droga e lashë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore