Pas blerjes së Twitter nga Musk, rritet përqindja e aprovimit të kërkesave për censurim nga qeveritë autoritare
Që nga blerja e Twitter nga ana e Elon Musk në tetorin e vitit të kaluar, platforma e rrjeteve sociale ka refuzuar shumë pak kërkesa të censurimit nga vende si Turqia dhe India, vende të cilat së fundmi kanë miratuar ligje të cilat kufizojnë lirinë e fjalës dhe mediat.
Megjithëse pronari miliarder i SpaceX dhe Tesla e paraqet veten si një absolutist i fjalës së lirë, rrjeti social që ai kontrollon është përkulur ndaj qindra urdhrave të qeverisë gjatë gjashtë muajve të tij të parë në krye, sipas të dhënave të ofruara nga kompania për një auditim publik që gjurmon presionin nga qeveritë apo gjyqtarët në platformat e internetit.
Shembulli më i fundit ishte bllokimi i llogarive kritike ndaj presidentit Recep Tayyip Erdogan, dy ditë para zgjedhjeve të mbajtura në Turqi para dy javësh.
Në Indi, vend i cili është zhytur në një lëvizje autokrate dhe tash e disa muaj ka kufizuar mediat, gazetarët dhe zërat kritikë, Twitter ka mbështetur gjithashtu kërkesat për ndalesa nga qeveria.
Për të justifikuar vendimin, Musk tha: “Rregullat në Indi mbi atë se çfarë mund të paraqitet në rrjetet sociale janë mjaft strikte, dhe ne nuk mund t’i anashkalojmë ligjet e një vendi”, dhe duke vepruar kështu e vë në rrezik stafin e tij, shtoi ai, raporton El Pais, përcjell Telegrafi.
“Nëse do të kishim një zgjidhje mes burgosjes së njerëzve tanë ose zbatimit të ligjit, ne do ta zgjidhnim të dytën”.
Ky justifikim erdhi pasi Twitter hoqi përmbajtjen në lidhje me një dokumentar të BBC që ishte shumë kritik ndaj kryeministrit Narendra Modi, dokumentar i cili në janar u bllokua nga qeveria indiane.
Musk deklaroi se ai nuk ishte në dijeni mbi “atë që ndodhi saktësisht” me situatën e përmbajtjes në Indi, por duket qartë se Nju Delhi zyrtar e urdhëroi Twitter-in që të largonte të gjitha publikimet që përfshinin imazhet ose linqe të lidhura me dokumentarin, i cili vinte në pyetje lidershipin e nacionalistit hindu Modi gjatë trazirave të vitit 2002, kur ai ishte kryeministër i atij shteti, dhe në të cilat humbën jetën të paktën 1,000 myslimanë, shifër kjo që aktivistët thonë se shkon deri në 2,500 të vdekur.
Ndër përmbajtjet e hequra nga Twitter ishin komentet e një parlamentari vendas.
Siç supozohet më tej, “miratimi” i Twitter ndaj regjimeve autokratike ose jo liberale nuk është një ekzagjerim i kritikëve të rrjeteve sociale.
Të dhënat tregojnë se që nga periudha e blerjes nga ana e Musk, kompania ka pranuar 971 kërkesa nga ana e qeverive, duke miratuar plotësisht 808 prej tyre dhe duke miratuar pjesërisht 154 të tilla.
Në vitin para marrjes në kontroll nga Musk, Twitter kishte miratuar vetëm 50 për qind të kërkesave të tilla, në përputhje me shkallën e pajtueshmërisë të treguar në raportin e fundit të transparencës të kompanisë, por asnjë nuk është publikuar që nga tetori vitit 2022.
Por sipas analizës së të dhënave nga portali i informacionit teknologjik Rest of World, pas ndryshimit të pronësisë kjo shifër është rritur në 83 për qind.
“Me ‘fjalën e lirë’, unë thjesht nënkuptoj atë që përputhet me ligjin. Unë jam kundër censurës që shkon përtej ligjit. Nëse njerëzit duan më pak fjalë të lirë, ata do t’i kërkojnë qeverisë të miratojë ligje për këtë qëllim. Prandaj, dalja përtej ligjit është në kundërshtim me vullnetin e njerëzve”, kishte shkruar Musk në Twitter në prillin e 2022-shit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Mjekët japonezë padisin Google për informata të rreme dhe kërkojnë dëmshpërblim
Intel zbulon kompjuterin më të madh neuromorfik në botë “të frymëzuar nga truri i njeriut”
Çfarë bën inteligjenca e përmirësuar artificiale e WhatsApp, Instagram, Facebook dhe Messenger
Mjekët japonezë padisin Google për informata të rreme dhe kërkojnë dëmshpërblim
Ky rrjet social mund ta kërcënojë Facebook, Instagram dhe TikTok
Intel zbulon kompjuterin më të madh neuromorfik në botë "të frymëzuar nga truri i njeriut"
Apple bëri të mundur që përdoruesit të shkarkojnë aplikacione nga faqet e internetit
Çfarë bën inteligjenca e përmirësuar artificiale e WhatsApp, Instagram, Facebook dhe Messenger
Logitech po përgatit një mi "të zgjuar": Ju ndihmon të shkruani email ose të modifikoni tekstet - sa do të kushtojë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi