Menaxhmenti i Universitetit të Prishtinës “Hasan Prishtina” ka pritur sot në takim anëtarë të Kryesisë së Parlamentit Studentor të UP-së. Në këtë takim, anëtarët e Parlamentit Studentor shprehën shqetësimin lidhur me iniciativën e ditëve të fundit për ndarje nga UP-ja, të Fakultetit Teknik dhe të Fakultetit të Mjekësisë.
Në njoftimin për media të UP-së, thuhet se kryetari i PS-së, studenti Erzen Hyseni, tha që studentët pozicionohen skajshmërisht kundër këtyre iniciativave, të cilat në qendër nuk e kanë studentin, por interesat personale dhe grupore.
“UP-në, të cilën okupuesit nuk kanë mundur ta parcializojnë, po fillojmë ta ndajmë ne. Një ndarje e tillë është jo e menduar mirë, marrë parasysh numrin e madh të universiteteve publike dhe sfidat e universiteteve të reja për funksionim normal”, shtoi Hyseni.
Nga ana tjetër, menaxhmenti i UP-së u shprehë se i kuptojnë plotësisht shqetësimet e studentëve dhe se me vëmendje janë duke i përcjellë këto zhvillime të pakëndshme, jo vetëm për UP-në, por në përgjithësi për arsimin e lartë në Kosovë.
“Ishte qëndrim i përbashkët që nismat e tilla nuk i shërbejnë vendit, në veçanti studentëve të këtij vendi, sepse të tillat janë ngritur mbi pretendime të pabazuara, duke mos i paraprirë ndonjë analizë apo hulumtim paraprak”, thuhet në njoftim.
Në këtë kontekst rektori UP-së, Naser Sahiti u shpreh se “përpjekjet tona duhet të koncentrohen në ngritjen e UP-së dhe jo në parcializimin e tij, sepse mbi të gjitha, UP-ja është institucion stabil, me kredibilitetin më të lartë në hapësirat shqiptare dhe me tendencë të ngritjes së mëtejme”.
“Të pranishmit në këtë takim bënë thirrje që të gjithë aktorët e përfshirë në këtë proces të jenë të matur në veprimet dhe qëndrimet e tyre dhe të vënë interesin shtetëror dhe të të rinjve tanë, para çdo interesi tjetër. Në të kundërtën, studentët nuk përjashtuan as forma të tjera të kundërshtimit të këtyre nismave”.
Studentët e pranishëm në këtë takim shprehën edhe shqetësimin e tyre rreth shpërndarjes së bursave për studentët e universiteteve publike nga Ministria e Arsimit dhe e Shkencës.
Në mesin e përfituesve, sipas studentëve, nuk janë përfshirë edhe 150 studentë të Fakultetit të Mjekësisë.
“Sipas PS-së, studentët e mjekësisë janë diskriminuar nga ky proces, në një periudhë kur nevoja për mjekë është e theksuar, por trajtimi i mjekëve të ardhshëm nuk është i duhuri. Ata paralajmëruan se do të vijojnë me ngritjen e zërit të tyre, derisa studentët të marrin trajtimin e duhur dhe të barabartë në këtë proces”, thuhet në njoftim. /Telegrafi/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Rashiq për stërvitjet ushtarake serbe: Duan vetëm t’i tregojnë muskujt
Çitaku: Rezultati i zgjedhjeve të përgjithshme do të jetë befasues
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre