LAJMI I FUNDIT:

Pagat e deputetëve për një muaj i kushtojnë buxhetit të Kosovës 185 mijë euro, KDI kërkon Kuvend që funksionon

Pagat e deputetëve për një muaj i kushtojnë buxhetit të Kosovës 185 mijë euro, KDI kërkon Kuvend që funksionon
Foto: Arkiv

Instituti Demokratik i Kosovës (KDI) ka reaguar pas seancës që u mbajt sot në Kuvend, ku munguan shumica e deputetëve.

KDI thotë se pagat e  120 deputetëve për një muaj kushtojnë 185 mijë euro, transmeton Telegrafi.


“Vetëm pagat bazë të 120 deputetëve të Kuvendi i Kosovës – Skupština Kosova për një muaj kushtojnë ? 185,000 Euro. Mëditjet për pjesëmarrje në seanca për 120 deputetë, për një muaj kushtojnë 30,000 Euro. Pse po mungojnë më shumë se gjysma e deputetëve në seanca? Kuvend që funksionon! Deputetë që nuk mungojnë”, thuhet në reagimin e KDI-së.

Deputetët edhe më herët janë kritikuar se nuk po marrin pjesë në seanca, Kuvendi ka filluar me seanca vetëm para 2 javësh, pasi që deputetët ishin përkushtuar më shumë në zgjedhjet lokale. /Telegrafi/