Pa bërë “zhurmë”, SHBA i dërgon Ukrainës raketat e fuqishme për shkatërrimin e radarëve

Pas publikimit të videos që ngjallte dyshime edhe Pentagoni zyrtarisht ka konfirmuar se ukrainasve u janë dërguar raketa AGM-88 HARM, shkruan Business Insider.

Bëhet fjalë për raketa te dedikuara enkas për shkatërrimin e radarëve. Përparësinë që Ukraina tani ka me sigurimin e këtyre raketave – sigurisht se do t’i ndihmojë në luftën kundër ushtarëve rusë, transmeton Telegrafi.

Madje rusët duhet të mendojnë dy herë para se të kyçin radarët, pasi këto raketa për pak sekonda mund të arrijnë në cak – pra t’i shkatërrojnë plotësisht.

Raportimet e para se Ukraina posedon këto raketa u shfaqen në fillim të gushtit, pasi që një bloger rus filmoi mbetjet e një rakete AGM-88 në vendin ku ishte shkatërruar sistemi kundërajror rus. Ndërkaq tani e ka konfirmuar edhe Pentagoni.

Lexo po ashtu Ukrainasit bombardojnë një “qendër” tjetër komanduese të rusëve, humbin jetën 100 ushtarë dhe 20 pjesëtarë të FSB-së

“Kemi përfshirë raketat kundër radarëve që mund të shkrepen nga aeroplanët, dhe mund të kenë efekt kundër radarëve të rusëve”, tha gjenerali amerikan Colin Kahl, duke mos thënë detaje për llojin e raketave të dërguara në Kiev.

Raketat AGM-88 HARM janë armë të fuqishme, por jo edhe të reja. Për herë të parë u përdorën në vitin 1983 dhe një raketë e tillë peshon mbi 300 kilogramë, është e gjatë mbi katër metra dhe mund të fluturojë me shpejtësi prej 2 Mach.

Më herët ishin përdorur për shkatërrimin e radarëve në operacione luftarake në Libi, Irak dhe Jugosllavi. Aktualisht i përdorin 15 vende. /Telegrafi/

#Ukraine: Another AGM-88 HARM anti-radar missile was spotted in Ukraine – this time an unexploded missile was found in #Kherson Oblast.

It has some damage similar to shrapnel hits which may have been received from air defense interception, however a malfunction is also possible. pic.twitter.com/gaaTAizKlS

— 🇺🇦 Ukraine Weapons Tracker (@UAWeapons) August 11, 2022