LAJMI I FUNDIT:

Osmani: Kosova është për vazhdimin e dialogut më Serbinë

Osmani: Kosova është për vazhdimin e dialogut më Serbinë

Presidentja e Kosovës, Vjosa Osmani, e cila po qëndron për vizitë zyrtare në Nju Jork, ka takuar kryeministrin e Luksemburgut, Xavier Bettel, të cilin e ka falënderuar për mbështetjen e deritashme ndaj vendit tonë.

“Kosova pret mbështetje nga Luksemburgu në çështjen e liberalizimit të vizave”, ka theksuar Presidentja Osmani në takim me kryeministrin Bettel.

Sipas saj, një mbështetje të tillë nga Luksemburgu pritet edhe në procesin e anëtarësimit të Kosovës në organizata ndërkombëtare.

Një theks i veçantë në këtë takim u vu edhe te bashkëpunimi ndërshtetëror.

“Kosova ka ende nevojë për mbështetje, posaçërisht në shkëmbimin e përvojave dhe partneritetit për zhvillim të qëndrueshëm. Ne e çmojmë lart ndihmën e Luksemburgut në përmirësimin e shërbimeve shëndetësore në Kosovë”, ka theksuar Osmani, duke shfaqur gatishmërinë për thellimin e bashkëpunimit në sferën e shkëmbimit ekonomik e tregtar, por edhe në fusha të tjera të interesit reciprok.

“Kosova është për vazhdimin e dialogut më Serbinë, i cili do të rezultojë me arritjen e një marrëveshje gjithëpërfshirëse dhe ligjërisht e obligueshme dhe i cili duhet të përfundojë me njohje reciproke dhe ruajtje të karakterit unitar të Republikës së Kosovës”, ka theksuar Presidentja Osmani.

Ndërkaq sa i përket situatës aktuale në Kosovës, Presidentja ka përsëritur se me vendosjen e reciprocitetit për targat, vetëm po zbatohet marrëveshja me Serbinë e vitit 2011 dhe 2016. /Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori