Bashkimi Evropian u ka dorëzuar partive politike opozitare edhe zyrtarisht një kopje në gjuhën angleze të draft-statutit të Asociacionit të komunave me shumicë serbe.
Nga Aleanca për Ardhmërinë e Kosovës kanë konfirmuar për Telegrafin se të enjten u është dorëzuar një kopje e draft statutit të Asociacionit.
Kushtrim Xhemaili nga AAK tha për Telegrafin kjo parti do t’i japë komentet lidhur me draft-statutin pasi ta diskutojnë në organet e partisë.
“Po, mund të ju konfirmoj që dje na është dorëzuar një kopje e draft-statutit të Asociacionit, në gjuhën angleze. Ndërsa, komentet tona për këtë dokument do t’i shpalosim pas diskutimeve në organet e partisë”, tha ai.
Telegrafi u ka shkruar edhe dy partive tjera opozitare, Partisë Demokratike të Kosovës dhe Lidhjes Demokratike të Kosovës, por të njëjtit nuk kanë kthyer përgjigje.
Por, burime të Telegrafit brenda dy partive më të mëdha opozitare kanë konfirmuar në kushte anonimiteti se tashmë kanë pranuar draftin.
Siç merr vesh Telegrafi, madje ka edhe disa deputetë dhe zyrtarë të partive politike opozitare që ka disa ditë që kanë pranuar draftin në gjuhën angleze, e që është pothuajse i njëjti me draftin që javë më parë e ka publikuar Burim Ramadani, e me ndryshime të vogla.
Draft-statuti i Asociacionit i është prezantuar fillimisht kryeministrit Albin Kurti gjatë vizitës së pesëshes evropiane në Prishtinë gjatë muajit tetor, e ku ishte i pranishëm edhe i dërguari i BE-së për dialogun Kosovë-Serbi, Miroslav Lajçak.
Ndërkaq, pas vizitës në tetor, Lajçak po ashtu ishte për vizitë në Kosovë më 7 nëntor, ku takoi përfaqësuesit e partive opozitare lidhur me draft-statusin e Asociacionit të komunave me shumicë serbe.
Pas këtij takimi, përfaqësuesit e partive opozitare patën dhënë deklarata kontradiktore në lidhje me atë se a kanë parë ose jo draft-statutin në takimin me Lajçak.
Derisa kryetari i AAK-së, Ramush Haradinaj pas takimit me emisarin e BE-së, Miroslav Lajçak, kishte thënë se patën mundësi që të njoftohen me dokumentin e draft-statutit për Asociacionin, Memli Krasniqi nga PDK dhe Lutfi Haziri nga LDK kanë thënë se nuk u njoftuan me dokumentin.
E gjatë këtyre dy muajve, Qeveria nuk ka publikuar draft-statutin e Asociacionit të komunave me shumicë serbe të pranuar nga pesëshja evropiane.
Por, drafti që pretendohet të jetë i njëjti me atë që i është dorëzuar Qeverisë së Kosovës, është publikuar nga ish-inspektori i përgjithshëm i AKI-së, Burim Ramadani.
Ramadani ka thënë se ky draft është shumë i gjerë dhe i thellë, ndërsa ka shtuar se “Kosova duhet të fitojë diçka seriozisht të madhe si parakusht për zbatim të këtij dokumenti”. /Telegrafi/
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Kosova jashtë KiE-së, deputetja finlandeze akuzon BE-në se po tregohet e butë me Serbinë
Kosova jashtë KiE, Mujanoviq: BE po çon ujë në ‘mullirin’ e Vuçiqit
Operacioni i SPAK, RENEA ‘zbarkon’ në vilat e bosëve të krimit, ngjiten me shkallë
Plagosje me armë zjarri në Nashec të Prizrenit
Vjosa Osmani në Clinton Global Initiative në Bullgari
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë