LAJMI I FUNDIT:

OECD: Agresioni ushtarak rus në Ukrainë mund të godasë rritjen ekonomike botërore

OECD: Agresioni ushtarak rus në Ukrainë mund të godasë rritjen ekonomike botërore

Agresioni ushtarak në Ukrainë mund të ulë rritjen ekonomike botërore me më shumë se një pikë përqindjeje në vitin e parë pas pushtimit.

Kështu ka paralajmëruar Organizata për Bashkëpunim dhe Zhvillim Ekonomik (OECD), duke shtuar se ndikimi mund të shkaktojë gjithashtu një “recesion të thellë” në Rusi.

OECD paralajmëroi se konflikti mund të rrisë çmimet me rreth 2.5 për qind. Kostot tashmë janë duke u rritur për shkak të kërkesës në rritje ndërsa kufizimet e pandemisë COVID-19 po lehtësohen.

Çmimet e naftës, gazit, metaleve dhe kimikateve thelbësore për prodhimin e plehrave, për shembull, janë rritur ndërsa janë shtuar shqetësimet për furnizimet nga rajoni.

Australia ndalon eksportet e aluminit në Rusi
Lexo po ashtu Australia ndalon eksportet e aluminit në Rusi

Megjithëse Rusia dhe Ukraina përbëjnë vetëm një përqindje të vogël të ekonomisë botërore, ato janë prodhues të mëdhenj të lëndëve të para. OECD parashikon në kërkimin e saj të ri se çmimet e naftës do të mbeten të ngritura me një të tretën, gazit me 85 për qind dhe grurit me 90 për qind.

Jashtë Rusisë dhe Ukrainës, organizata thotë se efekti më i madh do të ndihet në Evropë.

Kontinenti evropian është më e varur nga Rusia dhe Ukraina për furnizimet me energji dhe ushqim. Vendet në të kaluarën janë cilësuar si “shporta e bukës” së Evropës. /Telegrafi/