Opozita po kërkon zgjedhje të parakohshme dhe për këtë po negocion për të siguruar një shumicë në Kuvend për paraqitjen e një nisme të tillë. Lideri i OBRM-PDUKM-së Hristijan Mickoski sot tha se në momentin e parë kur të jenë të sigurt se kanë 61 vota në Kuvend, ata do të paraqesin një iniciativë të tillë.

“61 vota janë të nevojshme për të filluar procedurën për zgjedhjet e parakohshme parlamentare. Kur Zaev ishte në opozitë ikte nga zgjedhjet e parakohshme, kur mori pushtetin përsëri ikë nga zgjedhjet e parakohshme, ai dikur theshte se nëse nuk ka datë do të shpall zgjedhjet e parakohshme, tani edhe nga kjo ikën”, tha Mickoski.

Nga ana tjetër përsëri, kryeministri Zoran Zaev thotë se edhe nëse nuk ka datë për negociata, nuk do të shpall zgjedhje të parakohshme.

“Nuk mendon për zgjedhje të parakohshme parlamentare, sepse së pari ne nuk mendojmë se do të marrim një vendim negativ, por gjithashtu nëse merret një vendim negativ mendoj se nuk duhet të shkojmë në votime, sepse periudha deri në zgjedhjet e rregullta duhet të përdoret, sepse është ekonomikisht i vlefshëm për të gjithë transformimin që po ndodh me ne”, tha Zaev, duke shtuar se ai ishte i bindur që Këshilli Evropian do të merrte vendimin e shumëpritur për të filluar negociatat me vendin./Telegrafi/