Në mëngjesin e sotëm në gjimnazin “Sami Frashëri” në Prishtinë, nxënësit kanë bojkotuar orët e mësimit. Ata brohorisnin me të madhe në oborrin e shkollës për largimin e profesoreshës së kimisë, Florije Rusinovci. Megjithatë, profesoresha në fjalë pretendon se krejt kjo po bëhet në bashkëpunim me drejtorin e gjimnazit Osman Beka, për ta larguar atë nga ky institucion.
Sipas saj, arsyeja kryesore e këtij implikimi në mes drejtorit-nxënësve dhe prindërve për ta larguar profesoreshën, është konkursi për të aplikuar për drejtor të këtij gjimnazi.
Ajo ka thënë për Telegrafin se konkursi është anuluar dhe se është duke pritur që të rihapet që ajo të aplikojë përsëri, konkurs për drejtor të këtij gjimnazi.
“Unë jam me trajnime dhe i plotësoj kushtet për të qenë drejtor i këtij gjimnazi”, konsideron Rusinovci.
Ajo më tej ka shtuar se është viti i nëntë që jep mësim dhe se asnjëherë nuk ka pas probleme të tilla.
“Kam dhënë mësim në shkollën ‘28 Nëntori’ dhe në ‘Shtjefan Gjeqovi’, por asnjëherë s’kam pas ndonjë problem. Është muaji i dytë që jap mësim këtu. Krejt kjo është nga drejtori me disa prindër dhe disa nxënës. Drejtori ka bërë ankesë me disa nxënës dhe e ka protokolluar”, pretendon profesoresha e kimisë.
Gjithashtu ajo thotë se jep mësim në shtatë klasë të kësaj shkolle dhe se probleme ka vetëm me klasën 12/8.
“Vetëm me klasën 12/8 kam problem, ndërsa klasat tjera i kanë rënë pishman që kanë bërë ankesë”, tregon ajo për Telegrafin.
Ndërsa, drejtori i këtij gjimnazi Osma Beka ka thënë për Telegrafin, se ka disa ankesa nga nxënësit dhe prindërit për profesoreshën e lëndës së kimisë.
Ai tha se problemi më i gjatë ndodhi ditën e djeshme, dhe se sot këta nxënës nuk kanë pranuar të mbajnë orë mësimore pa e larguar profesoreshën në fjalë.
“Nxënësit thonë se profesoresha nuk di dhe se është e dobët. Edhe prindërit janë ankuar. E kemi ftuar profesoreshën, e kemi këshilluar duke i thënë të ketë kujdes sepse nxënësit kanë ankesë në mënyrën e shpjegimit dhe të shtjellimit të lëndës së kimisë”, tha Beka.
I pyetur nëse drejtoresha e arsimit në komunën e Prishtinës, është e vetëdijshme për këtë problem ai tregoi se Arberie Nagavci ka qenë në gjimnaz për tu njoftuar me këtë problem, katër ditë më parë.
“Ajo më tha: ‘drejtor nëse ke edhe ndonjë ankesë, ma thuaj, mirëpo shqiptoja një vërejtje gojore profesoreshës’, gjë të cilën e kam bërë dhe me shkrim”, thotë drejtori Beka.
Sipas tij, megjithatë, problemet me profesoreshën e Kimisë kanë vazhduar edhe pas kësaj.
Dhe sot, ka shtuar ai, nxënësit e asaj klase sot në mëngjes kanë thënë se nuk do të hyjnë në klasë.
“Edhe nxënësit e tjerë iu kanë bashkangjitur këtij bojkoti”, shpjegoi drejtori i gjimnazit Osman Beka.
Telegrafi ka tentuar që gjatë ditës të kontaktojë me Drejtorinë e Arsimit në Komunën e Prishtinës, por nuk ka mundur të marrë ndonjë përgjigje lidhur me rastin.
Sipas Zyrës së Drejtorisë së Arsimit, drejtoresha Arbërie Nagavci ka shumë obligime dhe se është e pamundur që të jap ndonjë përgjigje, gjatë ditës së sotme. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit