Kryetari i Lëvizjes Vetëvendosje Albin Kurti dhe ai i Lidhjes Demokratike të Kosovës, Isa Mustafa, as në takimin e sotëm nuk kanë arritur marrëveshje për bashkëqeverisje mes këtyre dy subjekteve politike.
Dështimin në arritjen e marrëveshjes e kanë konfirmuar pas takimit Kurti-Mustafa, Glauk Konjufca i LVV-së dhe Avdullah Hoti i LDK-së, raporton Telegrafi.
E tëra që kanë thënë ata para gazetarëve, ka qenë se në takimin e sontëm nuk është arritur marrëveshja dhe se do të vazhdojnë takimet.
“Nuk është përfunduar ende. Nuk kemi ardhur deri te një konkludim. Jemi pajtuar që duhet të vazhdojmë ende deri në arritjen e marrëveshjes”, ka thënë anëtari i kryesisë së LDK-së, Avdullah Hoti.
“Krejt çka mund të them për sonte, është që nuk pati marrëveshje. Krejt çka mund të them është se do të shohim në ditët e ardhshme si do të veprojmë”, ka thënë nënkryetari i LVV, Glauk Konjufca.
Marrëveshja nuk është arritur as pas pothuaj dy muajve bisedimesh e harmonizimi qëndrimesh, ku dy subjektet u pajtuan për të gjitha çështjet lidhur me programin qeverisës.
Takimi i sontëm i krerëve të Lëvizjes Vetëvendosje dhe Lidhjes Demokratike të Kosovës, Albin Kurtit dhe Isa Mustafës, për arritjen e një marrëveshjeje për bashkëqeverisje, ka zgjatur më tepër se dy orë në ambientet e Kuvendit të Kosovës, por në fund ka rezultuar i pasuksesshëm.
Ndryshe, kryesitë e dy partive sot kanë mbajtur takime pikërisht për çështjen e arritjes së një marrëveshjeje për bashkëqeverisje.
Albulena Haxhiu nga Vetëvendosje pas mbledhjes së kryesisë ka thënë se nuk është asgjë e sigurtë që do të arrihet marrëveshja me LDK-në. Përderisa Besian Mustafa nga LDK, pas mbledhjes se kryesisë ka thënë se kanë përafrime me Vetëvendosjen.
Takimit të Kryesisë së LDK-së i ka paraprirë edhe një përplasje në mes dy nënkryetarëve të këtij subjekti politik, Agim Veliut dhe Vjosa Osmanit, lidhur me një fotografi të përbashkët të Vjosa Osmanit me liderin e LVV-së, Albin Kurtin, të premten gjatë regjistrimit të tyre si deputetë, në hollin e Kuvendit të Kosovës.
Kujtojmë se në zgjedhjet e 6 tetorit dy partitë më të votuara janë Lëvizja Vetëvendosje me 26.270% të votave dhe Lidhja Demokratike e Kosovës me 24.548% të votave.
Ndryshe, presidenti Hashim Thaçi ka thirrur për datën 26 dhjetor seancën konstituive të Kuvendit të Kosovës. /Telegrafi/
Lufta Prigozhin - Putin
Më shumë“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Von Cramon: Nuk ekziston më arsyeja për masat kufizuese të BE-së ndaj Kosovës
Osmani për fjalimin e saj në KS të OKB-së: E kemi thënë të vërtetën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre